ការសិក្សាថ្មីមួយបានអះអាងថា ឧស្ម័នផ្ទះកញ្ចក់មានសក្តានុពលជាង ១២,០០០ ដងច្រើនជាងកាបូនឌីអុកស៊ីត បានបង្កើតជាចម្បងនៅក្នុងប្រទេសចិន និងឥណ្ឌាដែលកំពុងត្រូវបានបញ្ចេញទៅក្នុងបរិយាកាសក្នុងកម្រិតមួយនេះបើយោងតាមការចេញផ្សាយពីគេហទំព័រឌៀលីម៉ែល។
ការសិក្សាដែលដឹកនាំដោយសាកលវិទ្យាល័យ Bristol ផ្ទុយនឹងរបាយការណ៍ថា ឧស្ម័នដែលមានឈ្មោះថា HFC-23 ស្ទើរតែត្រូវបានលុបចោលពីបរិយាកាសក្នុងឆ្នាំ ២០១៧ ។ វាមានកម្មវិធីឧស្សាហកម្មតិចតួច ប៉ុន្តែត្រូវបានបញ្ចោញទៅក្នុងបរិយាកាស អំឡុងពេលបង្កើតសារធាតុគីមី ត្រូវបានប្រើប្រាស់យ៉ាងទូលំទូលាយ នៅក្នុងប្រព័ន្ធត្រជាក់នៅប្រទេសកំពុងអភិវឌ្ឍន៍ ។
ចាប់ផ្តើមពីឆ្នាំ ២០១៥ ឥណ្ឌា និងចិនបានប្រកាសពីមហិច្ឆតា បញ្ចប់ការបំភាយឧស្ម័ន នៅក្នុងរោងចក្រហ្គាស ហើយនៅឆ្នាំ ២០១៧ បាននិយាយថា ពួកគេនឹងទទួលជោគជ័យ ។ ការសិក្សានេះដោយក្រឡេកមើលបរិមាណ HFC-23 នៅក្នុងបរិយាកាសទូទាំងពិភពលោក បានរកឃើញថា មិនត្រឹមតែមិនត្រូវបានគេដកចេញប៉ុណ្ណោះទេ ប៉ុន្តែកម្រិតនោះបានកើនឡើងគួរឲ្យកត់សម្គាល់។
អ្នកវិទ្យាសាស្ត្រកំពុងរំពឹងថា នឹងឃើញការបំភាយ ឧស្ម័នពិភពលោកធ្លាក់ចុះស្ទើរតែ ៩០ ភាគរយនៅចន្លោះឆ្នាំ ២០១៥ និង ២០១៧ ជាលទ្ធផល នៃការអះអាងរបស់ឥណ្ឌា និងចិន ។ អ្នកនិពន្ធការសិក្សានិយាយថា វាគឺជាឧស្ម័នដ៏ខ្លាំងក្លាជាពិសេសជាមួយនឹង ការបំភាយឧស្ម័នមួយតោនស្មើ នឹងការបញ្ចេញកាបូនឌីអុកស៊ីត ជាង ១២,០០០ តោន៕ ដោយ៖លី ភីលីព
