បរទេស៖នៅថ្ងៃចន្ទទី១០ ខែកុម្ភៈនេះក្រុមហ៊ុន Alibaba Group Holdings សហការជាមួយ នឹងធនាគារ MYBank របស់ក្រុមហ៊ុន Ant Financial បានសម្រេច នឹងបញ្ចេញ ប្រាក់កម្ចីរហូតទៅដល់ ២០ ពាន់លានយ័ន ឬប្រមាណជា២,៨៦ ពាន់លានដុល្លារ សម្រាប់ក្រុមហ៊ុននានានៅក្នុងប្រទេសចិនដែល បានរងផលប៉ះពាល់ ដោយសារជំងឺ ឆ្លងកូរ៉ូណាវីរុស ។
ការប្រកាសដែលត្រូវបានធ្វើឡើង ជាផ្លូវការនៅលើបណ្តាញសង្គមយក្ស របស់ចិនគឺWeiboដោយក្នុងនោះបញ្ជាក់ ដែរថាប្រាក់កំចី១០ពាន់លានយ័ននឹងត្រូវ ប្រើប្រាស់សម្រាប់ក្រុមហ៊ុន នៅក្នុងទីក្រុង Hubei ដោយមិនមាន ការប្រាក់ប៉ុន្តែក្នុងរយៈពេល តែ១ឆ្នាំប៉ុណ្ណោះ។
ខណៈនោះផងដែរប្រាក់កំចី ១០ពាន់លានយ័នផ្សេងទៀត នឹងត្រូវបញ្ជួនទៅកាន់ក្រុមហ៊ុន នានានៅតាមបណ្តាលទីក្រុងនានាដែល ប៉ះពាល់ផ្សេងទៀតនៅក្នុងប្រទេស ជាមួយនឹងអត្រាការប្រាក់ បញ្ចុះតម្លៃដល់ទៅ២០ភាគរយ។
គួរឲ្យដឹងដែរថាកម្មករនយោជឹក បានវិលត្រឡប់ទៅកាន់ការិយាល័យ និងរោងចក្រនៅទូទាំងប្រទេសចិនវិញ ហើយកាលពីថ្ងៃចន្ទខណៈដែលរដ្ឋាភិបាល បានបន្ធូរបន្ថយការរឹតត្បិតលើការងារ ក្នុងកំឡុងពេលមានជំងឺរាតត្បាត ដែលបានសម្លាប់ មនុស្សជាង ៩០០ នាក់មកហើយ៕
ប្រែសម្រួល៖ស៊ុនលី
