អង់គ្លេស៖ចំនួនស្ត្រីត្រូវបានបញ្ជូនរូបភាព អាសអាភាសដោយជនចម្លែក នៅលើរថភ្លើងច្រើនជាងទ្វេដងកាលពីឆ្នាំមុន ប៉ុន្តែឧប្បត្តិហេតុជាច្រើន នឹងមិនត្រូវបានគេរាយការណ៍ យ៉ាងទូលំទូលាយ ដោយសារតែជនសង្ស័យពិបាក កំណត់អត្តសញ្ញាណណាស់ យោងតាមការចេញផ្សាយពីSkyNews។
របាយការណ៍របស់ប៉ូលីសដឹកជញ្ជូន អង់គ្លេសបានបង្ហាញថា មានរបាយការណ៍ ចំនួន៦៦ស្តីពីការឆែកឆេរតាមអ៊ីនធើណេត នៅឆ្នាំ២០១៩ បើធៀបនឹងឆ្នាំ ២០១៨មានចំនួន៣៤។ ពីព្រោះរូបភាពអាចត្រូវបានផ្ញើដោយ មិនបញ្ចេញឈ្មោះ ប៉ុន្តែជនរងគ្រោះ និយាយថា វាធ្វើឲ្យពួកគេភ័យខ្លាចលើការដឹកជញ្ជូនសាធារណៈ។
Cyber-flashing គឺនៅពេលមនុស្សម្នាក់ផ្ញើរូបភាពផ្លូវភេទ ដែលមិនបានស្នើសុំ ទៅមនុស្សចម្លែកដោយប្រើ AirDrop មុខងារចែករម្លែកឯកសារ នៅលើទូរស័ព្ទ iPhone ។ ទោះបីជាមានការកើនឡើងនូវចំនួន ករណីក៏ដោយការចាប់ខ្លួន តែម្នាក់គត់ត្រូវបាន ធ្វើឡើងក្នុងឆ្នាំ ២០១៩ ហើយវាត្រូវបានគេជឿជាក់ថា បទឧក្រិដ្ឋនេះមិនត្រូវបានគេរាយការណ៍ទេ ពីព្រោះជនរងគ្រោះជឿថា ការឆែកអ៊ីនធើណេតគឺមិនធ្ងន់ធ្ងរ គ្រប់គ្រាន់ដើម្បី ទាក់ទងប៉ូលីស។
ក្រុមអ្នកឃ្លាំមើលយុទ្ធនាការបាន និយាយថា ចំនួនស្ត្រីពិតប្រាកដដែល រងផលប៉ះពាល់ពីបញ្ហានេះពិតជានឹងកើនឡើងខ្ពស់ ជាង តួលេខផ្លូវការរបស់ប៉ូលីស។ ប្រសិនបើការកំណត់ AirDrop របស់ជនរងគ្រោះត្រូវបាន កំណត់ទៅ “មនុស្សគ្រប់គ្នា” វាមានន័យថា អ្នកណាម្នាក់ ដែលនៅខាងក្រៅបញ្ជីទំនាក់ទំនង របស់ពួកគេអាចស្នើសុំផ្ញើ ឯកសារឲ្យពួកគេ៕
