តូក្យូ៖ប្រតិបត្តិករនៃរមណីយដ្ឋាន ឌីជីថល ២នៅទីក្រុងតូក្យូគឺ Disneyland និង DisneySea បាននិយាយថា សួនឧទ្យានទាំងនេះនឹងត្រូវបាន បិទអស់រយៈពេល ប្រហែល២សប្តាហ៍ដោយមានការភ័យខ្លាចចំពោះការផ្ទុះឡើងនៃវីរុសថ្មី នេះយោងតាមការ ចេញផ្សាយពីគេហទំព័រជប៉ុនធូដេ។
ប្រតិបត្តិករបាននិយាយនៅក្នុងសេចក្តីថ្លែង ការណ៍មួយថា“Tokyo Disneyland និង Tokyo DisneySea បានសម្រេចចិត្តបន្តបិទទ្វារមិនធម្មតាចាប់ពីថ្ងៃសៅរ៍ ទី២៩ ខែកុម្ភៈដល់ថ្ងៃអាទិត្យទី ១៥ ខែមីនា បន្ទាប់ពីរដ្ឋាភិបាលបាន ជំរុញឲ្យមានវិធានការណ៍ ដើម្បីកំណត់ការរីករាលដាលនៃវីរុសនេះ។ ប្រតិបត្តិករ Oriental Land បាននិយាយថា ខ្លួនសង្ឃឹមថានឹងមានប្រតិបត្តិការឡើងវិញចាប់ពីថ្ងៃទី ១៦ ខែមីនា។
អ្នកនាំពាក្យម្នាក់បានប្រាប់ថា បច្ចុប្បន្នយើងគ្រោង នឹងបើកឡើងវិញនៅថ្ងៃទី ១៦ ខែមីនា ប៉ុន្តែយើងនឹងសម្រេចថា ពេលណាត្រូវបើកដោយ ពិនិត្យមើលស្ថានភាព និងការវិវត្ត យើងក៏នឹងពិគ្រោះជាមួយភ្នាក់ងារដែលពាក់ព័ន្ធផងដែរ ។ ភ្ញៀវទេសចរ ជាង៣០លាននាក់បានជន់លិចឧទ្យាន២ក្នុងមួយឆ្នាំហើយវាស្ថិតក្នុងចំណោមទិសដៅ ពេញនិយមបំផុតសម្រាប់ភ្ញៀវទេសចរដែលមកទីក្រុងតូក្យូ។
សកម្មភាពនេះកើតឡើង នៅពេលរដ្ឋាភិបាលជប៉ុន បង្កើនវិធានការណ៍ដើម្បីដោះស្រាយការផ្ទុះឡើងនៃវីរុសនេះត្រូវបានផ្សារភ្ជាប់ទៅនឹងការស្លាប់យ៉ាងហោចណាស់៧នាក់នៅក្នុងប្រទេស និងការឆ្លងជិត ២០០ នាក់។ នៅយប់ថ្ងៃព្រហស្បតិ៍លោកនាយករដ្ឋមន្រ្តីស៊ីនហ្សូ អាបេបានជំរុញឲ្យសាលារៀននៅទូទាំងប្រទេសត្រូវបិទទ្វារជិតមួយខែ ទោះបីសាលាបណ្តុះកូនក៏ដោយ៕ ដោយ៖លី ភីលីព
