សេអ៊ូល៖ ក្រសួងការបរទេស បានឲ្យដឹងនៅថ្ងៃពុធនេះថា ប្រទេសកូរ៉េខាងត្បូង និងសហរដ្ឋអាមេរិក បានបើកកិច្ចពិភាក្សា ស្តីពីការចែករំលែកតម្លៃ ការពារជាតិថ្មីមួយ នៅក្នុងទីក្រុងឡូសអេនជឺឡែស នៅពេលដែលពលករកូរ៉េ ធ្វើការនៅមូលដ្ឋានទ័ព សហរដ្ឋអាមេរិក បានប្រឈមនឹងការឈប់សម្រាក ដោយគ្មានប្រាក់ឈ្នួល។
អ្នកចរចាកំពូល របស់ទីក្រុងសេអ៊ូល Jeong Eun-bo និងសមភាគីអាមេរិក របស់លោក គឺលោក James DeHart បានចាប់ផ្តើមបើកការចរចារយៈពេល ២ ថ្ងៃនៅថ្ងៃអង្គារនេះ បន្ទាប់ពីមានការរំខាន រយៈពេល ២ ខែ ដែលបញ្ជាក់ពីភាពជាប់គាំង ជុំវិញថាតើទីក្រុងសេអ៊ូល គួរចំណាយប៉ុន្មាន សម្រាប់ឈរជើងនៅ USFK ដែលមានកម្លាំង ២៨.៥០០ នាក់។
កិច្ចចរចាលើកទី ៧ សម្រាប់កិច្ចព្រមព្រៀង ចែកថ្លៃដើមហៅថា កិច្ចព្រមព្រៀងវិធានការពិសេស (SMA) បានកើតឡើង នៅពេលដែលបុគ្គលិកកូរ៉េ ៩.០០០ នាក់នៅមូលដ្ឋាន USFK បានប្រឈមមុខ នឹងការអត់ការងារធ្វើ ដែលនឹងចាប់ផ្តើមនៅថ្ងៃទី០១ ខែមេសាលើកលែង តែមានកិច្ចព្រមព្រៀងថ្មី៕ ដោយ៖ ឈូក បូរ៉ា
