តូក្យូ៖ ប្រភពពីរដ្ឋាភិបាលជប៉ុន បាននិយាយថា លោកនាយករដ្ឋមន្រ្តីស៊ីនហ្សូ អាបេ នឹងជួបពិភាក្សាតាមទូរស័ព្ទ ជាមួយប្រធាន គណៈកម្មាធិការអូឡាំពិកអន្តរជាតិ នៅថ្ងៃអង្គារនេះ ជុំវិញផែនការពន្យារពេលអូឡាំពិក នៅរដូវក្តៅនេះ នេះបើយោងតាមការចេញផ្សាយ ពីគេហទំព័រជប៉ុនធូដេ។
ប្រភពបាននិយាយថា លោកអាបេត្រូវបានគេរំពឹងថា នឹងប្រាប់លោក Bach ថា ប្រសិនបើការប្រកួត ត្រូវបានពន្យារពេល គួរតែមានរយៈពេលតិចជាងមួយឆ្នាំ។
លោកអាបេ បានប្រាប់សម័យប្រជុំសភា កាលពីថ្ងៃចន្ទថា ព្រឹត្តិការណ៍កីឡាអូឡាំពិក មិនអាចត្រូវបានធ្វើឡើង នៅក្រោមកាលៈទេសៈបច្ចុប្បន្ននោះទេ ដោយលោកលើកឡើង ជាលើកទី ១ ថា ការប្រកួតប្រហែលជាត្រូវពន្យារពេល។
IOC បាននិយាយនៅមុននេះថា ខ្លួននឹងសិក្សាផែនការជំនួស សម្រាប់អូឡាំពិក ដែលគ្រោងនឹងបើក នៅថ្ងៃទី ២៤ ខែកក្កដានិងធ្វើការវាយតម្លៃ នៅក្នុងរយៈពេល ៤ សប្តាហ៍បន្ទាប់។ ប្រភពដដែល បាននិយាយថា ទីក្រុងតូក្យូលោក Gov Yuriko Koike និងលោក Yoshiro Mori ប្រធានគណៈកម្មាធិការរៀបចំ ក៏អាចចូលរួមកិច្ចពិភាក្សា តាមទូរស័ព្ទផងដែរ៕ ដោយ៖លី ភីលីព
