តូក្យូ៖ ក្រុមហ៊ុនទាំង២ បាននិយាយថា ក្រុមហ៊ុន Toyota Motor Corp និង Nippon Telegraph និង Telephone Corp បានព្រមព្រៀងគ្នា ធ្វើការរួមគ្នាលើការអភិវឌ្ឍទីក្រុងឆ្លាត ហើយនឹងវិនិយោគ ២០០ ពាន់លានយ៉េន (១,៨ ពាន់លានដុល្លារ) នៅក្នុងគ្នា ដើម្បីពង្រឹងទំនាក់ទំនង នេះបើយោងតាមការចេញផ្សាយ ពីគេហទំព័រជប៉ុនធូដេ។
ក្រុមហ៊ុនទាំង២ នឹងបង្កើតវេទិកាទិន្ន័យ ដែលនឹងចងក្រង វិភាគព័ត៌មានពីគេហដ្ឋានយានយន្ត និងស្ថាប័នសាធារណៈ នឹងត្រូវប្រើប្រាស់ដើម្បី បង្កើតសេវាកម្មថ្មីៗ ផ្តោតលើការដឹកជញ្ជូនសុខភាព និងការប្រើប្រាស់ថាមពល។ យោងតាមកិច្ចព្រមព្រៀង ក្រុមហ៊ុន Toyota នឹងកាន់កាប់ភាគហ៊ុន ២,០៧ ភាគរយ នៅក្នុងក្រុមហ៊ុន ទូរគមនាគមន៍ធំបំផុត របស់ជប៉ុន ខណៈក្រុមហ៊ុនNTTកាន់កាប់ភាគហ៊ុន ០,៩ ភាគរយ នៅក្នុងក្រុមហ៊ុនផលិតរថយន្ត។
វេទិកានេះ នឹងត្រូវបានដាក់បង្ហាញ នៅទីក្រុងគំរូ នៃការបំភាយឧស្ម័នសូន្យ ទីក្រុងដើរដោយថាមពលអ៊ីដ្រូសែន នៅជិតទីក្រុង Mt Fuji ក្នុងប្រទេសជប៉ុន ដែលក្រុមហ៊ុន Toyota កំពុងអភិវឌ្ឍ ដើម្បីបញ្ចូលផ្ទះឆ្លាតវៃរ៉ូបូត ក៏ដូចជាការបើកបរ ដោយស្វ័យប្រវត្ត និងបច្ចេកវិទ្យា AI ។
បន្ទាប់ពីចំណាយ អស់ជាច្រើនទសវត្ស ក្នុងការផ្តោតលើការផលិត និងលក់រថយន្តតូយ៉ូតា កំពុងងាកទៅរកដៃគូ នៅក្នុងវិស័យបច្ចេកវិទ្យា ដើម្បីជួយអភិវឌ្ឍបច្ចេកវិទ្យាយានយន្តថ្មី ដែលមានតម្លៃថ្លៃ ខណៈវាព្យាយាមផ្លាស់ប្តូរខ្លួន ទៅជាក្រុមហ៊ុនសេវាកម្មចល័ត៕ ដោយ៖លី ភីលីព
