អង់គ្លេស៖ កម្មវិធីផ្ញើសារ តាមវីដេអូដ៏ពេញនិយម Houseparty បានផ្តល់ប្រាក់រង្វាន់ចំនួន ១ លានដុល្លារដល់អ្នកណាម្នាក់ ដែលអាចបញ្ជាក់បានថា វាត្រូវបានគេកំណត់គោលដៅ ដោយយុទ្ធនាការ“ លាបពណ៌”ណាមួយ នេះបើយោងតាម ការចេញផ្សាយពី SkyNews។
ការអះអាងលើបណ្តាញសង្គមរាប់រយ បានចាប់ផ្តើមផ្សព្វផ្សាយ កាលពីពេលថ្មីៗនេះថា កម្មវិធីនេះ បានធ្វើឲ្យគណនីផ្សេងទៀត ត្រូវបានគេលួចចូល។ Houseparty បានបដិសេធការអះអាង ដោយនិយាយថា សេវាកម្មមានសុវត្ថិភាព មិនត្រូវបានសម្របសម្រួល និងមិនប្រមូលលេខសម្ងាត់ សម្រាប់គេហទំព័រផ្សេងទៀតទេ។
កម្មវិធីនេះអនុញ្ញាត ឲ្យអ្នកប្រើប្រាស់ធ្វើការ ហៅជាក្រុមជាក្រុម និងចូលរួមក្នុងសំណួរ និងហ្គេម។ វាមានភាពល្បីល្បាញ ក្នុងប៉ុន្មានសប្តាហ៍ថ្មីៗនេះ ដោយសារប្រទេសជាច្រើន បានដាក់ចេញនូវវិធានការណ៍ ឃ្លាតឆ្ងាយពីសង្គម ក្នុងអំឡុងពេលមានជំងឺរាតត្បាតឆ្លង។
យោងតាមទិន្នន័យរបស់ Apptopia ការទាញយករបស់ Houseparty រញ្ជួយបាន ២០០០ភាគរយ ចាប់ពីពាក់កណ្តាលខែកុម្ភៈ ដល់ពាក់កណ្តាលខែមីនា។ វាមាននៅក្នុងបញ្ជីនៃកម្មវិធី ដែលបានទាញយកច្រើនបំផុត នៅលើ Play Storeរបស់ Google និង app store របស់ Apple ៕ ដោយ៖លី ភីលីព
