បរទេស ៖ កងកម្លាំងទ័ព អាកាសសហរដ្ឋអាមេរិក នៅពេលថ្មីៗនេះថា ខ្លួនទើបបានជ្រើសយកព្រលាន Truax នៅមូលដ្ឋានទ័ព Wisconsin និងព្រលាន Dannelly នៅមូលដ្ឋានទ័ព Alabama ធ្វើជាទីតាំងយន្តហោះចម្បាំងបំបាំង កាយជំនាន់ថ្មី F-35A សម្រាប់កងកម្លាំង ការពារជាតិដែនអាកាស ។
នៅក្នុងសេចក្តីថ្លែង ការណ៍មួយ លោក Barbara M. Barrett ជាលេខាធិការ នៃកងកម្លាំងទ័ពអាកាស បាននិយាយប្រាប់ថា “នាយកដ្ឋានកង ទ័ពអាកាស បានជ្រើសយកកងយន្តហោះចម្បាំងលេខ១១៥ និងកងយន្តហោះចម្បាំង លេខ១៨៧ ជាទីតាំងកងកម្លាំង ការពារជាតិដែន អាកាសបន្ទាប់ សម្រាប់ទទួលទុកយន្ត ហោះចម្បាំង F-35A”។
យោងតាមសេចក្តី រាយការណ៍មួយ ដែលចេញផ្សាយដោយ ទីភ្នាក់ងារសារព័ត៌មាន UPI បានឲ្យដឹងថា លេខាធិការ កងកម្លាំង ទ័ពអាកាសសហរដ្ឋអាមេរិករូបនេះ បាននិយាយបន្ថែមទៀតថា “ការដាក់យន្តហោះចម្បាំង F-35 នៅមូលដ្ឋានទ័ពទាំងពីរ ជាការធ្វើការ បញ្ជូនបន្តរបស់យើង ទៅរកឧត្តមភាព ដែនអាកាសជំនាន់ថ្មី”៕
ប្រែសម្រួល៖ប៉ាង កុង
