តូក្យូ៖ នាយករដ្ឋមន្រ្តីជប៉ុនលោក ស៊ីនហ្សូ អាបេ បានលេីកឡេីងថាអង្គការសុខភាពពិភពលោក WHO ដែលប្រឈមនឹងការរិះគន់ជុំវិញការឆ្លើយតបរបស់ខ្លួន ចំពោះការឆ្លងរាតត្បាត វីរុសកូវីដ-១៩នេះកំពុងត្រូវការការកែទម្រង់ ប៉ុន្តែបានសង្កត់ធ្ងន់ថា ប្រទេសជប៉ុនមិនមានផែនការបញ្ឈប់ការផ្តល់មូលនិធិ ដល់ទីភ្នាក់ងារអង្គការសហប្រជាជាតិនោះទេ។
លោកអាបេ បានថ្លែងនៅក្នុងសន្និសីទសារព័ត៌មានមួយថា“ មានទស្សនៈជាច្រើន ដែលថាវាមិនមានលក្ខណៈអព្យាក្រឹតភាព” នេះបើយោងតាមសម្តីរបស់លោកប្រធានាធិបតីអាមេរិក ដូណាល់ ត្រាំ។
ខណៈដែលកត់សម្គាល់ថា អង្គការសុខភាពពិភពលោក មានបញ្ហា និងបញ្ហាប្រឈមយ៉ាងណា ក៏ដោយលោកនាយករដ្ឋមន្រ្តីបានលេីកឡេីងថា “ខ្ញុំមិនពិចារណាកាត់បន្ថយមូលនិធិរបស់ជប៉ុន ទៅទីភ្នាក់ងារមួយនេះទាល់តែសោះ”៕
ដោយ ឈូក បូរ៉ា
