អាមេរិក ៖ និយោជិកជាច្រើននាក់ ប្រហែលជាមានការព្រួយបារម្ភ អំពីផលិតភាព នៅពេលជនជាតិ អាមេរិករាប់លាននាក់ កំពុងធ្វើការពីចម្ងាយ ដោយសារតែជំងឺកូរ៉ូណា ប៉ុន្តែការស្ទង់មតិថ្មីមួយបានរកឃើញថា អាជីវកម្មអាចនឹងរីកចម្រើន ចាប់តាំងពីការផ្លាស់ប្តូរ នេះបើយោងតាមការចេញ ផ្សាយពីគេហទំព័រឌៀលីម៉ែល ។
ក្រុមអ្នកស្រាវជ្រាវ បានសួរបុគ្គលជាង ១៦០០ នាក់ ពីរបៀបដែលពួកគេបាន សម្របខ្លួនទៅធ្វើការនៅផ្ទះ និងមួយភាគបីបាននិយាយថា ពួកគេមានផលិត ភាពច្រើនជាងពេល នៅក្នុងការិយាល័យ ។ អ្នកឆ្លើយសំណួរបានកត់សម្គាល់ថា ពួកគេមានការគ្រប់គ្រង ពេលវេលា របស់ពួកគេបានល្អប្រសើរជាងមុន និងថាតើការងារប៉ុន្មាន ត្រូវបានបញ្ចប់។
ម៉្យាងទៀតអ្នកមានអារម្មណ៍ឯកោ ឬពឹងផ្អែកលើអ្នកដទៃ ដើម្បីបំពេញភារកិច្ចរបស់ពួកគេ បានរាយការណ៍ថា មិនសូវមានផលិតភាពទេ ។ សហរដ្ឋអាមេរិក បានរងគ្រោះធ្ងន់ធ្ងរបំផុត ដោយវីរុសឆ្លងកូរ៉ូណា ដែលមានច្រើនជាង ១,២ លានករណី និងមានមនុស្សស្លាប់ជាង ៧៦.០០០ នាក់នៅទូទាំងប្រទេស។
ចាប់តាំងពីការផ្ទុះឡើង បានធ្វើឲ្យមានការដួលរលំក្រុមហ៊ុន ជាច្រើនបានប្រាប់និយោជិក ឲ្យធ្វើការពីផ្ទះ រហូតដល់មានការជូនដំណឹងបន្ថែម ។ ការវិភាគផ្អែកលើទិន្នន័យ ពីអ្នកឆ្លើយសំណួរជាង ១,៦០០ នាក់ទៅនឹងសំណួរ តាមអ៊ីនធើណេត ហើយ៧៥ភាគរយជាស្ត្រី និង ២៥ ភាគរយជាបុរសភាគច្រើន មកពីQuebec៕
ដោយ៖លី ភីលីព
