អាមេរិ៖អ្នកជំនាញផ្នែកសុខភាព បាននិយាយថា វ៉ាក់សាំងការពារមេរោគ កូរ៉ូណាអាចមានក្នុងរដូវស្លឹកឈើជ្រុះ ប៉ុន្តែមិនប្រាកដប្រជាទេ ហើយជនជាតិអាមេរិកភាគច្រើន ទំនងជាមិនទទួលបានការចាក់ថ្នាំមុនឆ្នាំ ២០២១ ឡើយនេះបើយោងតាមការចេញផ្សាយ ពីគេហទំព័រឌៀលីម៉ែល។
លោកវេជ្ជបណ្ឌិត Anthony Fauci អ្នកជំនាញខាងជំងឺឆ្លងធំជាងគេ របស់ប្រទេសបាននិយាយថា jab នឹងមិនអាចប្រើបានយ៉ាងហោចណាស់១២ ទៅ ១៨ ខែឡើយ។ ប៉ុន្តែស្ថាប័នមួយចំនួនដូចជាសាកលវិទ្យាល័យ Oxford នៅចក្រភពអង់គ្លេស បាននិយាយថា ប្រសិនបើការសាកល្បងដំណើរការបានល្អ នោះអាចមាននៅដើមខែកញ្ញា។
ទោះបីជាពេលវេលាកំណត់វ៉ាក់សាំង អាចត្រូវបានពន្លឿន ដោយមានជំហានខ្លះត្រូវបានបញ្ចូលគ្នាក៏ដោយ ក៏យ៉ាងហោចណាស់មួយឆ្នាំដែរមុនពេលជនជាតិអាមេរិក អាចចុះឈ្មោះដើម្បីទទួលបានការចាក់ថ្នាំបង្ការរោគ។ លើសពីនេះទៅទៀត ប្រសិនបើការចាក់ថ្នាំ បង្ការរោគត្រូវបានអភិវឌ្ឍដោយប្រទេសមួយផ្សេងទៀត វាអាចរុញថយក្រោយ នៅពេលវានឹងមាននៅសហរដ្ឋអាមេរិកកាន់តែច្រើន។
លោកបណ្ឌិត Peter Hotez ព្រឹទ្ធបុរសសាលាជាតិវេជ្ជសាស្ត្រ ត្រូពិកនៃមហាវិទ្យាល័យវេជ្ជសាស្ត្រត្រូពិក Baylor នៅ Houston រដ្ឋ Texas បានប្រាប់DailyMailថា ការផលិតនិងការធ្វើទ្រង់ទ្រាយធំមានបញ្ហា ប៉ុន្តែបញ្ហាគឺមានពេលវេលា គ្រប់គ្រាន់ដើម្បីប្រមូលព័ត៌មានស្តីពីសុវត្ថិភាព និងប្រសិទ្ធភាពនៃវ៉ាក់សាំងហើយអ្នកមិនអាចបង្កើនល្បឿន បានច្រើនទេ៕ ដោយ៖លី ភីលីព
