បរទេស៖ មន្ត្រីនំាពាក្យប៉ូលីស អ៊ីស្រាអែល តាមសេចក្តីរាយការណ៍ បាននិយាយប្រាប់ថា ឯកអគ្គរដ្ឋទូត របស់ប្រទេសចិន ប្រចំានៅប្រទេសអ៊ីស្រាអែល ត្រូវបានគេប្រទះឃើញស្លាប់ បាត់បង់ជីវិត នៅក្នុងផ្ទះរបស់លោក នៅជាយទីក្រុងតេលអាវីវ នាថ្ងៃអាទិត្យនេះ។
យោងតាមគេហទំព័រ របស់ស្ថានទូត មន្ត្រីនាំពាក្យប៉ូលីសរូបនោះ មិនបានផ្តល់ការបកស្រាយ ស្តីពីមូលហេតុ នៃមរណភាព របស់លោកឯកអគ្គរដ្ឋទូតចិន Du Wei ដែលមានអាយុ៥៧ឆ្នាំ ហើយបានទទួលតំណែង ជាឯកអគ្គរដ្ឋទូតប្រចាំ នៅប្រទេសអ៊ីស្រាអែល ក្នុងខែកុម្ភៈនោះទេ។
ប៉ុន្តមន្ត្រីនាំពាក្យរូបនោះ បាននិយាយថា ជាផ្នែកនៃនីតិវិធីតាមប្រក្រតី អង្គភាពប៉ូលីស កំពុងនៅកន្លែងកើតហេតុ ចំណែកទូរទស្សន៍អ៊ីស្រាអែល Channel 12 TV ដោយដកស្រង់សម្តីមន្ត្រីពេទ្យ ផ្នែកសង្គ្រោះបន្ទាន់មួយរូបនោះ បាននិយាយប្រាប់ថា ការបង្ហាញបឋមឲ្យដឹងថា លោកឯកអគ្គរដ្ឋទូតចិន បានស្លាប់នៅក្នុងពេល កំពុងសម្រាន្តតាមធម្មតា៕
ប្រែសម្រួល៖ប៉ាង កុង
