តូក្យូ៖ នាយករដ្ឋមន្រ្តីជប៉ុនលោក ស៊ីនហ្សូអាបេ បាននិយាយ នៅថ្ងៃចន្ទថា ប្រទេសជប៉ុន បានពង្រីកការហាមឃាត់ ការចូលប្រទេសរបស់ខ្លួន សម្រាប់ប្រទេសឥណ្ឌា និងប្រទេសចំនួន ១០ ផ្សេងទៀត ដែលជាផ្នែកមួយ នៃកិច្ចខិតខំប្រឹងប្រែងដើម្បីទប់ស្កាត់ការឆ្លងវីរុសថ្មី។
យោងតាមសារព័ត៌មាន Kyodo News ចេញផ្សាយនៅល្ងាចថ្ងៃទី២៥ ខែឧសភា ឆ្នាំ២០២០ បានឱ្យដឹងថា ការពង្រីកបម្រាមនេះចូលជាធរមាននៅថ្ងៃពុធ ហើយនឹងនៅតែរក្សាបម្រាមដែលមានស្រាប់ ដែលនេះមានន័យថា ជនជាតិបរទេសដែលមកពីតំបន់ទាំងនេះ ក្នុងរយៈពេល ១៤ ថ្ងៃចុងក្រោយ នឹងត្រូវបានបដិសេធ នៅពេលមកដល់ជប៉ុន។
ប្រទេសផ្សេងទៀតគឺមាន ប្រទេស អាហ្វហ្គានីស្ថាន អាហ្សង់ទីន បង់ក្លាដែស អេលសាវ៉ាឌ័រ ហ្កាណា ហ្គីណេ កៀហ្ស៊ីស៊ីស្ថាន ប៉ាគីស្ថាន អាហ្វ្រិកខាងត្បូង និងប្រទេស តាហ្ស៊ីគីស្ថាន។
ក្រសួងការបរទេសជប៉ុន បានលើកឡើង នូវការផ្តល់ប្រឹក្សាការធ្វើដំណើររបស់ខ្លួន សម្រាប់ ប្រទេសទាំង ១១ កាលពីសប្តាហ៍មុន ដោយជំរុញឱ្យមានការ ប្រឆាំងទៅនឹងការធ្វើដំណើរទៅកាន់តំបន់នោះ។
សូមជម្រាបថា ជាមួយនឹងការបន្ថែមរបស់ ប្រទេសមួយចំនួន និងតំបន់ ដែលគ្របដណ្តប់ ដោយការហាមឃាត់ការចូលរបស់ប្រទេសជប៉ុន បានកើនឡើងដល់ ១១១ ប្រទេស និងតំបន់ រួមទាំងសហរដ្ឋអាមេរិក, ភាគច្រើន នៅអាស៊ី រួមទាំងចិននិងកូរ៉េខាងត្បូង និងប្រទេស នៅអឺរ៉ុបទាំងអស់៕
