អាមេររិក ៖ អង្គការ NASA និង SpaceX ចាប់ផ្តើមត្រួតពិនិត្យ មុនពេលហោះហើរ ចុងក្រោយ លើរ៉ុក្កែត Falcon 9 មុនពេលបាញ់បង្ហោះ ដោយគ្មានមនុស្សបើកដំបូង ពីដីអាមេរិកក្នុងរយៈពេល៩ឆ្នាំ ខណៈការព្យាករណ៍ អាកាសធាតុ ៦០ ភាគរយ អំណោយផល សម្រាប់ការបាញ់បង្ហោះ នេះបើយោងតាមការចេញផ្សាយ ពីគេហទំព័រឌៀលីម៉ែល ។
Falcon 9 ស្ថិតនៅជាប់នឹងក្បាលនាវិកនាគ “Crew Dragon” កំពុងឈរត្រង់លើទ្រនាប់ ។ បេសកកម្មនេះ នឹងក្លាយជាការបាញ់បង្ហោះ ដោយមនុស្សដំបូងបំផុត ពីដីអាមេរិកក្នុងរយៈពេល ៩ ឆ្នាំ នៅពេល ដែលអវកាសយានិកលោក Bob Behnken និងលោក Doug Hurley បានហោះទៅកាន់ស្ថានីយ៍អវកាស អន្តរជាតិ ។
ក្រុមមន្រ្តីបាននិយាយថា ការព្យាករណ៍ អាកាសធាតុបច្ចុប្បន្ន មានអំណោយផល ៦០ ភាគរយ សម្រាប់ការបាញ់បង្ហោះដែលគ្រោងនឹងធ្វើនៅថ្ងៃពុធ វេលាម៉ោង ៤ និង ៣៣ នាទីល្ងាច។ បេសកកម្មដែលមានឈ្មោះថា ‘Launch America” បានឆ្លងកាត់ការត្រួតពិនិត្យ ដ៏ធំចុងក្រោយរបស់ខ្លួនកាលពីថ្ងៃច័ន្ទ ហើយក្រុមពាក់ព័ន្ធ នឹងចាប់ផ្តើមដំណើរការ ។
លោក Kathy Lueders អ្នកគ្រប់គ្រងកម្មវិធី នាវិកពាណិជ្ជកម្មណាសា បានមានប្រសាសន៍ថា យើងកំពុងដុតក្រដាស ចុងក្រោយចោល ។ ក្រុមទាំងអស់គឺជាដំណើរទៅមុខ ហើយយើងកំពុងបន្តឆ្ពោះ ទៅរកបេសកកម្មរបស់យើង ។ ខ្ញុំពិតជាមានមោទនភាព ចំពោះក្រុមខ្លាំងណាស់ យើងកំពុងបន្តការប្រុងប្រយ័ត្ន ព្រមទាំងប្រាកដថា យើងធ្វើបានត្រឹមត្រូវ ៕ ដោយ៖លី ភីលីព
