វ៉ាស៊ីនតោន ៖ សេតវិមានបានឲ្យដឹងថា ប្រធានាធិបតីសហរដ្ឋអាមេរិកលោក ដូណាល់ ត្រាំ កំពុងវាយតម្លៃឡើងវិញ នូវវត្តមានយោធា បរទេស របស់អាមេរិក នេះបើយោងតាមរបាយការណ៍ ដែលបានលើកឡើងថា លោក ត្រាំ គ្រោងនឹងដកកងទ័ពមួយផ្នែក ចេញពីប្រទេសអាល្លឺម៉ង់។
របាយការណ៍ដែលថា លោក ត្រាំ កំពុងបន្ថយវត្តមានយោធា អាមេរិកនៅប្រទេសអាឡឺម៉ង់ ពីកងទ័ព ៣៤.៥០០ នាក់ទៅមិនលើសពី ២៥.០០០ នាក់ បានធ្វើឱ្យមានការព្រួយបារម្ភជាថ្មី អំពីផែនការប្រហាក់ប្រហែល ដែលអាចមានសម្រាប់ កងទ័ពអាមេរិក ២៨.៥០០ នាក់កូរ៉េ។
បញ្ហាជាមួយកូរ៉េខាងត្បូង ជាពិសេសត្រូវបានផ្សារភ្ជាប់ ទៅនឹងការចរចា ដែលកំពុងបន្តរវាងទីក្រុងសេអ៊ូល និងវ៉ាស៊ីនតោន ដើម្បីព្យាយាមបន្តកិច្ចព្រមព្រៀង ចែករំលែកតម្លៃ សម្រាប់ការថែរក្សា កងទ័ពអាមេរិកនៅទនោះ៕
ដោយ ឈូក បូរ៉ា
