GENEVA៖ នៅចំកណ្តាលមហាបាតុកម្ម សកលប្រឆាំងនឹងការរើសអើងជាតិសាសន៍ IOC បាននិយាយ ថា ខ្លួននឹងបើកកិច្ចពិភាក្សាដោយអនុញ្ញាត ឲ្យអត្តពលិកមានសិទ្ធិធ្វើការតវ៉ា កាន់តែខ្លាំងនៅព្រឹត្តិការណ៍ការប្រកួត កីឡាអូឡាំពិកយោងតាមការចេញផ្សាយពីគេហទំព័រជប៉ុនធូដេ។
កាលពី៥ ខែមុនស្ថាប័នអូឡាំពិកបានពង្រឹង ការហាមឃាត់របស់ខ្លួនលើសេចក្តីថ្លែងការណ៍ នយោបាយដោយបញ្ជាក់ថា កាយវិការដូចជាការលុតជង្គង់ ឬការលើកដៃនៅលើវេទិកាមេដាយ នៅតែត្រូវបានហាមឃាត់។ ប៉ុន្តែជំហរសាធារណៈរបស់ IOC បានធូរស្រាលបន្តិច នៅពេលលោក Thomas Bach បាននិយាយថា គណៈកម្មាធិការអត្តពលកម្មក្នុងផ្ទះនឹង រិះរកវិធីផ្សេងៗគ្នាដែលមតិអាចត្រូវបានបង្ហាញក្នុងពេលប្រកួត ហើយនៅតែគោរពស្មារតីអូឡាំពិក។
លោក Bach បានថ្លែងនៅក្នុងសន្និសីទកាសែត បន្ទាប់ពីកិច្ចប្រជុំក្រុមប្រឹក្សាប្រតិបត្តិមួយថា គោលបំណងអូឡាំពិកគឺជាការបង្ហាញជាសកលដ៏មានឥទ្ធិពលមួយ ប្រឆាំងនឹងការរើសអើងជាតិសាសន៍ និងសម្រាប់ការរួមបញ្ចូលគ្នា។ ទោះយ៉ាងណាលោកបានព្យាយាមបំបែក ការគាំទ្រចំពោះគោលការណ៍ ដែលមានចែងនៅក្នុងធម្មនុញ្ញអូឡាំពិក និងបាតុកម្មដែលអាចបែកបាក់គ្នា ។
ច្បាប់បច្ចុប្បន្ននៃធម្មនុញ្ញទី ៥០ ព្យាយាមរក្សាអព្យាក្រឹតភាពនយោបាយសម្រាប់អូឡាំពិក ប៉ុន្តែអនុញ្ញាតឲ្យអត្តពលិកបញ្ចេញមតិនៅក្នុងបទសម្ភាសន៍បន្ទាប់ពីព្រឹត្តិការណ៍របស់ពួកគេ៕
ដោយ៖លី ភីលីព
