ស្រីលង្កា៖ អ្នកវិទ្យាសាស្ត្រ បាននិយាយថា ពួកគេបានរកឃើញភស្តុតាង ដ៏កម្រនៃការប្រើប្រាស់ធ្នូ និងព្រួញ ដែលចំណាស់ជាងគេបំផុត ដោយមនុស្សសម័យបុរេប្រវត្តិ នៅខាងក្រៅទ្វីបអាហ្រ្វិក ក្នុងរូងភ្នំមួយនៅប្រទេសស្រីលង្កា នេះបើយោងតាមការចេញផ្សាយ ពីគេហទំព័រឌៀលីម៉ែល។
បំណែកនៃក្បាលព្រួញ ធ្វើពីឆ្អឹងសត្វជ្រូកព្រៃ សត្វក្តាន់ក្តាន់ សត្វស្វាយព្រៃនិងសត្វដទៃទៀត ត្រូវបានប្រើ ដើម្បីបរបាញ់សត្វ ភ្ជាប់នឹងមែកដើមយ៉ាងតិចកាលពី ៤៥.០០០ ឆ្នាំមុន។
ក្រុមអភិរក្សត្រីឆ្លាម បានរកឃើញនៅក្នុងរូងភ្នំf Fa-Hien Lena នៅភាគនិរតីនៃកោះអាស៊ី បានជួយអ្នកប្រមាញ់ ចាប់សត្វស្វាព្រៃ និងសត្វកំប្រុក ដែលមានល្បឿនលឿន។
ក្រុមបុរាណវិទូអន្តរជាតិ បាននិយាយថា បំណែកព្រួញចាស់ជាងភស្តុតាង នៃបច្ចេកវិទ្យាស្រដៀងគ្នា ដែលត្រូវបានរកឃើញនៅអឺរ៉ុប។ ការរកឃើញនេះ ក្នុងចំណោមឧបករណ៍ឆ្អឹង ត្រូវបានគេបង្កើតជាវត្ថុធ្វើពីឆ្អឹង មានរាងដូចដែកច្រឡួង ឬខ្នោសជាធម្មតា ត្រូវបានផ្សារភ្ជាប់ជាមួយ នឹងការងារសម្លៀកបំពាក់ ឬសរសៃ សម្រាប់ធ្វើមងនេសាទ។
វត្ថុបុរាណផ្សេងទៀត ត្រូវបានរកឃើញ នៅទីតាំងនោះរួមមាន អង្កាំចម្រុះពណ៌ផលិតចេញពីរ៉ែដែក និងអង្កាំសំបកតុបតែង ដែលទំនងជាត្រូវបាន លក់ចេញពីឆ្នេរសមុទ្រ។
កោះនៃស្រីលង្កា នៅមហាសមុទ្រឥណ្ឌា ដែលស្ថិតនៅខាងត្បូង នៃឧបទ្វីបឥណ្ឌា គឺជាជម្រកនៃហ្វូស៊ីលដំបូងបង្អស់ នៃប្រភេទសត្វរបស់យើង ឈ្មោះ Homo sapiens នៅអាស៊ីខាងត្បូង៕ ដោយ៖លី ភីលីព
