វ៉ាស៊ីនតោន៖ ទីភ្នាក់ងារសហប្រតិបត្តិការ សន្តិសុខការពារជាតិ របស់មន្ទីរប៉ង់តាហ្គោន បាននិយាយនៅក្នុងសេចក្តីប្រកាសព័ត៌មានមួយថា ក្រសួងការបរទេសសហរដ្ឋអាមេរិក បានយល់ព្រមលើលទ្ធភាពក្នុងការ លក់យន្តហោះចម្បាំងប្រភេទ F-35 ចំនួន ១០៥ គ្រឿង ដែលអាចធ្វើបាន ក្នុងទំហំទឹកប្រាក់ចំនួន ២៣,១១ ពាន់លានដុល្លារអាម៉េរិក។
យោងតាមសារព័ត៌មាន Sputnik ចេញផ្សាយនៅថ្ងៃទី១០ ខែកក្កដា ឆ្នាំ២០២០ បានឱ្យដឹងថា សេចក្តីប្រកាសព័ត៌មានបាននិយាយនៅថ្ងៃព្រហស្បតិ៍នេះថា “ក្រសួងការបរទេសបានធ្វើការប្តេជ្ញាចិត្តក្នុងការអនុម័តការលក់យោធាបរទេសដែលអាចធ្វើទៅបានដល់រដ្ឋាភិបាល ជប៉ុននូវយន្តហោះប្រយុទ្ធ F-35 រួមគ្នាចំនួន ១០៥ គ្រឿង និងឧបករណ៍ពាក់ព័ន្ធក្នុងតម្លៃប្រមាណ ២៣,១១ ពាន់លានដុល្លារ” ។ ។
រដ្ឋាភិបាលជប៉ុនបានស្នើសុំយន្តហោះ F-35A ចំនួន ៦៣ គ្រឿង និងយន្ដហោះប្រភេទ F-35b ចំនួន ៤២ គ្រឿង ម៉ាស៊ីនយន្តហោះ Pratt និង Whitney F135 ចំនួន ១១០ គ្រឿង និងឧបករណ៍ដែលពាក់ព័ន្ធ។
ការលក់ដ៏មានសក្តានុពលនេះនឹង “ជួយគាំទ្រផលប្រយោជន៍គោលនយោបាយការបរទេសរបស់សហរដ្ឋអាមេរិក” នៅក្នុងតំបន់អាស៊ីប៉ាស៊ីហ្វិក តាមរយៈការពង្រឹងសមត្ថភាព សន្តិសុខរបស់ជប៉ុន។
នៅខែធ្នូឆ្នាំ ២០១១ រដ្ឋាភិបាលជប៉ុនបានប្រកាស ការសម្រេចចិត្តទិញយន្តហោះចម្បាំង F-35A ចំនួន ៤២ គ្រឿង។ កាលពីខែធ្នូឆ្នាំ ២០១៨ ក្រសួងការពារជាតិបានសម្រេចទទួលយន្តហោះចម្បាំងធុន F-35 ចំនួន ១៤៧ គ្រឿងគឺយន្តហោះចម្បាំងធុន F-35A ចំនួន ១០៥ គ្រឿង និងយន្តហោះចុះចតខ្លីនិងយន្តហោះ F-35b ចំនួន ៤២ គ្រឿង។ យន្តហោះចម្បាំងបំបាំងកាយ F-35A ត្រូវបានប្រមូលផ្តុំនៅក្នុងប្រទេស ជប៉ុនពីគ្រឿងបន្លាស់របស់សហរដ្ឋអាមេរិក នៅសន្និបាតចុងក្រោយរបស់ក្រុមហ៊ុន Mitsubishi Heavy Industries ‘F-35 នៅឯ Nagoya ៕ប្រែសម្រួលៈ ណៃ តុលា
