បរទេស៖ ប្រព័ន្ធអាវុធដែលមានកាណុងបាញ់ចេញគ្រាប់ច្រើន Pinaka មានសមត្ថភាពក្នុងការបំផ្លាញគោលដៅមួយដែលមានទំហំ ៩០០ ម៉ែត្រក្រឡា ព្រោះវាអាចផ្ទុកនូវគ្រឿងផ្ទុះ ៧,២ តោន ទៅលើគោលដៅចម្ងាយ ៨០ គីឡូម៉ែត្រ ក្នុងរយៈពេល ៤៨ វិនាទីជាមួយនឹងភាពត្រឹមត្រូវ ២៥ ម៉ែត្រ។
យោងតាមសារព័ត៌មាន Sputnik ចេញផ្សាយកាលពីថ្ងៃទី០១ ខែកញ្ញា ឆ្នាំ២០២០ បានឱ្យដឹងថា ដើម្បីផ្តល់កម្លាំងដល់កងទ័ពដែលមានកម្លាំង ១,៣ លាននាក់របស់ឥណ្ឌា ក្រសួងការពារជាតិឥណ្ឌាបានចុះហត្ថលេខាលើកិច្ចព្រមព្រៀងដែលមានតម្លៃ ៣៨០ លានដុល្លារ ជាមួយក្រុមហ៊ុន Tata Power Company, Larsen & Toubro and Bharat Earth Movers Ltd ដើម្បីផ្គត់ផ្គង់ប្រព័ន្ធរ៉ុក្កែត Pinaka ចំនួន ៦ គ្រឿង ដែលមានម៉ាស៊ីនបាញ់ចំនួន ១១៤ គ្រឿង ដើម្បីដាក់ពង្រាយនៅតាមបណ្តោយ ព្រំដែនប្រទេសចិន។
សេចក្តីថ្លែងការណ៍ដែលចេញដោយក្រសួងការពារជាតិ ឥណ្ឌាបាននិយាយថា “ កងវរសេនាធំទាំង ៦ របស់ Pinaka នឹងត្រូវដាក់ឱ្យដំណើរការនៅតាមព្រំដែនភាគខាងជើងនិងខាងកើតនៃប្រទេសរបស់យើង (ឥណ្ឌា) ដោយបង្កើនការត្រៀមប្រតិបត្តិការរបស់កងកម្លាំងប្រដាប់អាវុធរបស់យើងបន្ថែមទៀត” ។
នេះជាលើកទីមួយហើយដែលរដ្ឋាភិបាលឥណ្ឌា បានអនុញ្ញាតឱ្យក្រុមហ៊ុនឯកជនផលិតរ៉ុក្កែត Pinaka ដែលនឹងជំនួសជាបណ្តើរ ៗ របស់ក្រុមហ៊ុន SMERCH របស់រុស្ស៊ី ដែលមានសមត្ថភាពអាចកម្ទេចទំហំផ្ទៃដី ១,១ គីឡូម៉ែត្រក្រឡា។
កងទ័ពឥណ្ឌាមានបំណងចង់មានកងវរសេនាតូច Pinaka ចំនួន ២២ កងនៅឆ្នាំ ២០២៦ ក្នុងនោះមានកងវរសេនាធំ ១២ គ្រឿងនៃកាំជ្រួចដែលដឹកនាំដោយ Pinaka ។ កងវរសេនាធំនីមួយៗមានជើងទ្របាញ់ចំនួន ៣ នៃមីស៊ីល Pinaka ចំនួន ៦ គ្រឿងដែលដាក់លើឡាន Tatra៕ប្រែសម្រួលៈ ណៃ តុលា
