ប៉េកាំង៖ ឯកអគ្គរដ្ឋទូតចិនបានលើកឡើងថាប្រទេសចិន និងសហរដ្ឋអាមេរិក“ ចាំបាច់ត្រូវប្រមូលស្មារតីនៃកិច្ចសហប្រតិបត្តិការពីសង្រ្គាមលោកលើកទី ២ និងរួមគ្នាដើម្បីប្រឈមមុខនឹងសត្រូវរួមរបស់យើង នៅក្នុងយុគសម័យថ្មី” ដែលរួមមានការធ្លាក់ចុះសេដ្ឋកិច្ច, ការផ្លាស់ប្តូរសេដ្ឋកិច្ចការប្រែប្រួលអាកាសធាតុ និងបញ្ហាពិភពលោកដទៃទៀត។
ឯកអគ្គរដ្ឋទូតចិនប្រចាំនៅសហរដ្ឋអាមេរិក បានធ្វើការកត់សម្គាល់នៅក្នុងវីដេអូខ្លីមួយ ដែលបានបង្ហោះកាលពីថ្ងៃព្រហស្បតិ៍នៅលើគណនីធ្វីតធឺរបស់លោក ក្នុងការរំលឹកខួបលើកទី ៧៥ នៃការទទួលបានជ័យជំនះនៃសង្គ្រាមលោកលើកទី ២ (WWII) និងសង្គ្រាមប្រឆាំងហ្វាស៊ីសពិភពលោក។
លោក Cui Tiankai បានបន្ថែមទៀតថាក្នុងអំឡុងពេលសង្គ្រាមលោកលើកទី ២ ប្រទេសចិន និងសហរដ្ឋអាមេរិក បានប្រយុទ្ធគ្នា ដើម្បីសន្តិភាព និងយុត្តិធម៌ ដោយបន្សល់ទុកនូវ“ ស្លាកស្នាម ដែលមិនអាចបំភ្លេចបាននៅក្នុងប្រវត្តិសាស្ត្ររួមនៃប្រទេសយើងទាំងពីរ”៕
ដោយ ឈូក បូរ៉ា
