តូក្យូ៖តារាវិទូរូបវិទ្យាជប៉ុនលោក Masatoshi Koshiba ដែលជាអ្នកឈ្នះរង្វាន់ណូបែលផ្នែករូបវិទ្យាឆ្នាំ ២០០២ សម្រាប់ការបញ្ជាក់ពីអត្ថិភាពនៃធាតុផ្សំដែលហៅថា “នឺត្រុណូស” “Neutrinos” បានទទួលមរណភាពហើយក្នុងអាយុ ៩៤ ឆ្នាំយោងតាមការចេញផ្សាយពីគេហទំព័រជប៉ុនធូដេ។
សាកលវិទ្យាល័យបានប្រកាសជាផ្លូវការថា លោក Koshiba ដែលជាសាស្រ្តាចារ្យកិត្តិយសនៅសាកលវិទ្យាល័យតូក្យូបានស្លាប់នៅមន្ទីរពេទ្យទីក្រុងតូក្យូកាលពីថ្ងៃព្រហស្បតិ៍។ វាមិនបានផ្តល់មូលហេតុនៃការស្លាប់របស់លោកឡើយ។ លោក Koshiba បានសាងសង់បន្ទប់ក្រោមដីយក្សដើម្បីរកមើលនឺត្រុណូស គឺ ភាគល្អិតដែលពិបាកយល់បញ្ចេញពីព្រះអាទិត្យ។
នឺត្រុណូសផ្តល់ជូននូវទិដ្ឋភាពពិសេសនៃការងារខាងក្នុងរបស់ព្រះអាទិត្យ ពីព្រោះពួកវាត្រូវបានផលិតនៅក្នុងដួងចិត្តរបស់វាដោយដំណើរការដូចគ្នាដែលបណ្តាលឲ្យព្រះអាទិត្យរះ។លោកបានចែករង្វាន់ជាមួយអ្នកវិទ្យាសាស្ត្រ២នាក់ទៀតគឺលោក Raymond Davis Jr. នៃសាកលវិទ្យាល័យ Pennsylvania បានធ្វើការលើឧបករណ៍ចាប់នឺត្រុណូស និងអ្នកវិទ្យាសាស្ត្រដើមកំណើតអ៊ីតាលី Riccardo Giacconi ត្រូវបានគេដកស្រង់សម្ដីសម្រាប់កែវពង្រីកកាំរស្មីអ៊ិចដែលផ្តល់រូបភាពច្បាស់នៃសាកលលោក។
លោក Koshiba បានធ្វើការនៅឧបករណ៍ចាប់ Kamiokande neutrino detector ជាកន្លែងដ៏ធំមួយបានសាងសង់នៅលើភ្នំនៅកណ្តាលប្រទេសជប៉ុន។ លោកបានបញ្ជាក់ និងពង្រីកការងាររបស់ Davis ហើយក៏បានរកឃើញនឺត្រុណូសមកពីការផ្ទុះនៃគ្រាប់ពេជ្រ Supernova ជាវត្ថុដែលភ្លឺបំផុតនៅក្នុងសកលលោក។
ការចូលរួមចំណែករបស់ Koshiba បាននាំឲ្យមានការរកឃើញជាបន្តបន្ទាប់។ និស្សិតរបស់លោក គឺលោក Takaaki Kajita បានឈ្នះរង្វាន់ណូបែលផ្នែករូបវិទ្យានៅឆ្នាំ ២០១៥ សម្រាប់ការស្រាវជ្រាវនៅរោងចក្រ Super-Kamiokande បានរកឃើញថា នឺត្រុណូសមានម៉ាស៕ ដោយ៖លី ភីលីព
