បរទេស៖ទូរទស្សន៍ BBC ចេញផ្សាយនៅថ្ងៃសៅរ៍នេះ បានឲ្យដឹងថាពលរដ្ឋអាមេរិកកាំងរាប់លាននាក់ត្រូវបានគេជឿជាក់ថា នឹងប្រឈមមុខទៅនឹងការបាត់បង់អត្ថប្រយោជន៍ក្រោមគោលការណ៍ អ្នកអត់ការងារធ្វើបន្ទាប់ពីបញ្ហានៃការជាប់គាំងគ្នារបស់អ្នកនយោបាយពាក់ព័ន្ធ ទៅនឹងកញ្ចប់ជំនួយថ្មី៩០០ពាន់លានដុល្លារ។
រំលឹកដែរថាមកដល់ពេលនេះប្រធានាធិបតី អាមេរិកលោក Donald Trump បានប្រកាសបដិសេធមិនព្រមចុះហត្ថលេខា ទៅលើច្បាប់ថ្មីដែលអាចអនុញ្ញាតិឲ្យកញ្ចប់ប្រាក់នេះអាចដំណើរការ បាននៅឡើយទោះ បីជាទាំងបក្សប្រជាធិបតេយ្យនិងសាធារណៈមិនព្រមទទួលយកសំណើរតាម ប្រធានាធិបតីរូបនេះក្តី។
កញ្ចប់ប្រាក់ដើម្បីស្តាសេដ្ឋកិច្ចអាមេរិក ដែលមានចំនួនសរុប១,៤ទ្រីលានដុល្លារត្រូវបានចុះហត្ថលេខាដោយបក្សទាំងពីររួចទៅហើយ ប៉ុន្តែលោកប្រធានាធិបតីបានព្យាយាមស្នើសុំឲ្យមានកញ្ចប់ប្រាក់ ក្នុងទំហំច្រើនជាងនេះនិងព្រមទាំងការកាត់បន្ថយទៅលើកញ្ចប់ប្រាក់សម្រាប់ជំនួយ ដល់បរទេសផងដែរ៕
ប្រែសម្រួល៖ស៊ុនលី
