អង់គ្លេស ៖ លោកតា John Alfred Tinniswood ដែលមានអាយុ រហូតដល់ ១១១ ឆ្នាំ ២២៤ ថ្ងៃជាជនជាតិអង់គ្លេស បានប្រកាសជាផ្លូវការ នូវឋានៈជាបុរស ដែលមានជីវិតចំណាស់ ជាងគេបំផុត របស់ពិភពលោក និងបុរសមានតំណាងបំផុត បន្ទាប់ពីលោកតាកើត ក្នុងឆ្នាំតែមួយ ដែលកប៉ាល់ទីតានិកលិច ។
កំណត់ត្រាពិភពលោក Guinness បានធ្វើសេចក្តីប្រកាសកាលពីថ្ងៃសុក្រ ២ថ្ងៃបន្ទាប់ពីការប្រកាសមរណភាព របស់អតីតម្ចាស់ជើងឯក Juan Vicente Pérez ក្នុងអាយុ ១១៤ ឆ្នាំ ជាខែ នៃខួបកំណើតគម្រប់ ១១៥ ឆ្នាំរបស់លោកតា។ ចំណែកលោកតា Tinniswood បាននិយាយក្នុងបទសម្ភាសន៍ជាមួយ Guinness ដែលលោកត្រូវបានបង្ហាញជាមួយវិញ្ញាបនបត្ររបស់លោកថា អ្នករស់នៅបានយូរ ឬអ្នករស់នៅខ្លីហើយ អ្នកមិនអាចធ្វើអ្វីបានច្រើនអំពីវា ។
ខណៈលោកតា Tinniswood មិនជក់បារី កម្រផឹក ហើយទទួលទានសាច់ត្រី រាល់ថ្ងៃសុក្រ បាននិយាយថា អាថ៌កំបាំងនៃភាព ជាប់បានយូរគឺសំណាង លោកបានណែនាំអំពីកម្រិតមធ្យមក្នុងជីវិតថា ប្រសិនបើអ្នកផឹកច្រើនពេក ឬអ្នកញ៉ាំច្រើនពេក ឬដើរច្រើនពេកបើអ្នកធ្វើអ្វីច្រើនពេក អ្នកនឹងរងទុក្ខនៅទីបំផុត ។
យោងតាម Guinness បាននិយាយថា លោកតាកើតនៅទីក្រុង Liverpool ភាគពាយ័ព្យនៃចក្រភពអង់គ្លេសនៅថ្ងៃទី ២៦ ខែសីហា ឆ្នាំ ១៩១២ លោកតា Tinniswood បានឆ្លងកាត់សង្គ្រាមលោកចំនួន២ ក៏ដូចជាជំងឺគ្រុនផ្តាសាយធំ និង ជំងឺរាតត្បាត Covid-19 ហើយក៏បានជាប់កំណត់ត្រា សម្រាប់បុរស នៅរស់រានមានជីវិតអាយុវែងជាងគេបំផុត ក្នុងពិភពលោក ថែមទាំង លោកតាកើតនៅឆ្នាំដដែលដែលកប៉ាល់ទីតានិចបានលិច។
លោកតាជាអ្នកគាំទ្រពេញមួយជីវិត របស់ក្លឹបបាល់ទាត់ Liverpool ហើយបានឆ្លងកាត់ការឈ្នះ ពានរង្វាន់លីកចំនួន ១៩ របស់ក្លឹបរបស់លោក និងឈ្នះពានរង្វាន់ FA Cup ទាំង៨របស់ក្លឹបរបស់លោក ៕
ដោយ៖លី ភីលីព
