អ្នកបើកបរយន្តហោះជនជាតិចិនម្នាក់ត្រូវក្រុមហ៊ុនលែងឲ្យបើកយន្តហោះមួយជីវិតក្រោយពីរកឃើញថាបានអនុញ្ញាតឲ្យនិស្សិតស្រីម្នាក់ចូលក្នុងបន្ទប់បើកយន្តហោះដោយគ្មានការអនុញ្ញាតពីថ្នាក់លើ។
រូបថតនិស្សិតស្រីឆ្នាំទី៣ រៀនខាងទេសចរណ៍ម្នាក់ដែលបានចូលក្នុងបន្ទប់បើកបរយន្តហោះបានបែកធ្លាយពេញបណ្តាញសង្គមកាលពីថ្ងៃអាទិត្យកន្លងទៅនេះ។ និស្សិតស្រីខាងលើត្រូវបានគេដឹងថាមានបំណងធ្វើជាអ្នកបម្រើលើយន្តហោះក្រោយរៀនចប់។ រូបថតនោះបានថតតាំងពីខែមករា ឆ្នាំ២០១៩ និងទើបបែបធ្លាយ ហើយអ្នកជំនាញខាងអាកាសចរណ៍ថាការអនុញ្ញាតឲ្យអ្នកផ្សេងចូលក្នុងបន្ទប់បើកបរពេលកំពុងហោះហើរគឺបំពានទៅនឹងស្ដង់ដាសុវត្ថិភាពការហោះហើរ។
ក្រុមហ៊ុនអាកាសចរណ៍ក្នុងស្រុកចិនAir Guilin បានចេញសេចក្ដីថ្លែងការណ៍ពីការហាមឃាត់អ្នកបើកបររូបនោះអស់មួយជីវិតក្នុងការបើកយន្តហោះ តែមិនបានបញ្ជាក់ថានឹងប្តូរតួនាទីទៅជាអ្វីវិញនោះទេ៕
ប្រភព៖Sabay
