អាល្លឺម៉ង់៖ក្រុមអ្នកស្រាវជ្រាវ អាល្លឺម៉ង់ បាននិយាយថា គ្រោងឆ្អឹងស្រី្ត ដែលមានអាយុកាល ៤,៥០០ ឆ្នាំត្រូវបានគេរកឃើញនៅក្នុងរណ្តៅជនបទ របស់ប្រទេស អាល្លឺម៉ង់ដោយមានព្រំប្រទល់ជាប់ជាមួយនឹង ថ្មនៅវាលផ្តល់ ជូននូវការយល់ដឹងថ្មីស្តីពីការអនុវត្តបញ្ចុះសពសម័យបុរាណ នេះបើយោងតាមការចេញផ្សាយពីគេហទំព័រឌៀលីម៉ែល។
របកគំហើញនេះត្រូវបានធ្វើឡើងដោយ លោក Philipp Roskoschinski និងក្រុមអ្នកបុរាណវិទ្យា មកពីក្រុមហ៊ុនអាឆេក ខណៈពេលជីកនៅអេកម៉ឺកដែលជាតំបន់ជនបទប្រហែល៦០ ម៉ាយល៍ឥសាននៃទីក្រុង ប៊ែរឡាំង។ ទោះបីជាផ្នូរមានសភាពរាបទាបក៏ដោយ តែឥរិយាបថ និងទីតាំងរបស់ស្ត្រីបង្ហាញពីទំនាក់ទំនងអាចធ្វើទៅ បានជាមួយនឹងការបញ្ចុះសពបុរាណដទៃទៀតនៅឆ្ងាយ ដូចជាស្កុតឡេន។
នៅក្នុងបទសម្ភាសន៍ជាមួយ Tagespeigel លោក Roskschinski បាននិយាយថា ខ្ញុំមិនដែលរកឃើញអ្វីដូចនេះទេ ។ អដ្ឋិធាតុត្រូវបានគេដាក់ នៅក្នុងកន្លែងបញ្ចុះសពត្រូវបានចងក្រងជាឯកសារចាស់ជាងគេមួយនៅអឺរ៉ុប ដែលរមៀលទៅខាងស្តាំរបស់នាង និងបែរមុខ ទៅខាងជើងដោយជើង និងដៃរបស់នាងបានកោងទៅជា ទីតាំងរបស់ទារក។
វាជាទីតាំងស្រដៀងគ្នាទៅនឹងសាកសពមួយ ផ្សេងទៀតត្រូវបានរកឃើញនៅលើកោះ Tiree នៃប្រទេសស្កុតឡេនដែលអ្នកស្រាវជ្រាវជឿថា មានអាយុជាង ៥០០០ ឆ្នាំ។ ការលើកឡើងពីការអនុវត្តនេះអាចជា សញ្ញាមួយនៃការអនុវត្តរួមគ្នាមួយចំនួនដែលប្រជាជនខុសគ្នា ជាច្រើននៅទូទាំងអឺរ៉ុបបានអនុវត្ត៕ដោយ៖លី ភីលីព
