ឈីលី៖ តាមការសិក្សាមួយ របស់អ្នកស្រាវជ្រាវឈីលី បានបង្ហាញថា សត្វភេនឃ្វីនបានវិវឌ្ឍខ្លួន ជិត២២លានឆ្នាំមុន នៅអូស្ត្រាលី និងនូវែលសេឡង់ មិនមែននៅអង់តាក់ទិក ដូចដែលត្រូវបានគេគិតនោះឡើយ នេះបើយោងតាមការចេញផ្សាយ ពីគេហទំព័រឌៀលីម៉ែល។
ក្រុមអ្នកស្រាវជ្រាវ ដឹកនាំពីប្រទេសឈីលី បានវិភាគហ្សែនផេនឃ្វីន ដើម្បីកំណត់ពីប្រវត្តិ នៃការវិវត្តរបស់បក្សី ដែលគ្មានជីវិត។ ពួកគេបានរកឃើញថា ការផ្លាស់ប្តូរអាកាសធាតុ និងការសម្របខ្លួនស ម្រាប់មុជទឹក និងរស់រានមានជីវិតត្រជាក់ បានអនុញ្ញាតឲ្យសត្វភេនឃ្វីន រីករាលដាលដល់តំបន់ Chillier ចាប់ផ្តើមប្រមាណ ៩ លានឆ្នាំមុន។
ក្រុមអ្នកស្រាវជ្រាវបានសរសេរថា ភេនឃ្វីនគឺជាក្រុមគ្រួសារតែមួយប៉ុណ្ណោះ ដែលមានសត្វមុជទឹក អត់ចេះការហោះហើរ ។ បច្ចុប្បន្នពួកគេមានយ៉ាងហោចណាស់ ១៨ ប្រភេទត្រូវបានចែកចាយពីតំបន់ប៉ូល ទៅកាន់បរិស្ថានត្រូពិក នៅអឌ្ឍគោលខាងត្បូង។ ប្រវត្តិនៃការធ្វើសកម្មភាព និងការបន្សាំរបស់ពួកគេ ទៅនឹងបរិស្ថានចម្រុះទាំងនេះ នៅតែមានភាពចម្រូងចម្រាសនៅឡើយ។
ការសិក្សារបស់ពួកគេជីវវិទូ លោក Juliana Vianna នៃសាកលវិទ្យាល័យកាតូលិក Pontifical Catholic នៃប្រទេសឈីលី និងសហសេវិក បានវិភាគហ្សែនផេនឃ្វីនចំនួន ២២ ប្រភេទរួមទាំង ១៨ ប្រភេទផ្សេងៗគ្នា ដើម្បីកំណត់ពីរបៀប និងពេលបក្សីហោះហើរចេញមកនិងធ្វើសកម្មភាព។
ការវិភាគរបស់ពួកគេបានបង្ហាញថា សត្វភ្រនឃ្វីនទំនងជាលេចចេញដំបូង នៅតាមបណ្តោយឆ្នេរសមុទ្រនូវែលសេឡង់ និងអូស្ត្រាលីប្រហែល ២១,៩ លានឆ្នាំមុន ក្នុងអំឡុងពេលគេហៅថា យុគសម័យមីយ៉ូហ្សេនដំបូង និងមិនមែននៅអង់តាក់ទិក ដូចដែលអ្នកជំនាញបានគិតទេ៕ ដោយ៖លី ភីលីព
