អង់គ្លេស៖កន្លែងបោះតង់(ជំរុំ)របស់មនុស្សនាយុគសម័យថ្មបន្សល់នូវភ័ស្តុតាងជាច្រើនដូចជាឧបករណ៍ផ្លុំ និងសម្បកពណ៌ខៀវក្រម៉ៅដែលមានអាយុកាល ៧០០០ ឆ្នាំត្រូវបានរកឃើញនៅក្នុងតំបន់ New Forest រួមជាមួយបូជនីយដ្ឋាន និងកន្លែងបូជាកាលពីឆ្នាំ១៣០០ មុនគ.សនេះបើយោងតាមការចេញផ្សាយពីគេហទំព័រឌៀលីម៉ែល។
អ្នកបុរាណវិទ្យា និងអ្នកស្ម័គ្រចិត្តមកពីអាជ្ញាធរឧទ្យានជាតិ និងសាកលវិទ្យាល័យ Bournemouth បានធ្វើការជីករុករកនា Beaulieu Estate នៅHampshire ។ កាំរស្មីវិទ្យុសកម្មកំណត់កាលបរិច្ឆេទនៃសែល និងឧបករណ៍ធ្វើពីជ័របានមកពីប្រហែល ៥.៧៣៦-៥,៦៤៣ មុនគ.ស កំឡុងសម័យ Mesolithic ឬយុគថ្មកណ្តាល ។
កំណាយនេះក៏បានរកឃើញវិមាន និងកោដ្ឋចំនួន៤ ផ្ទុកឆ្អឹងមនុស្សដែលបានបូជា ហើយអ្នកជំនាញកំណត់កាលបរិច្ឆេទយុគសំរិទ្ធប្រហែល ១៥០០-១១,១០០ មុនគ.ស។ឧបករណ៍ធ្វើពីជ័តមួយត្រូវបានគេគិតថា ទំនងជាក្បាលលំពែង។ លោក Jon Milward អ្នកប្រឹក្សាផ្នែកស្រាវជ្រាវខាងបុរាណវិទ្យានៃសាកលវិទ្យាល័យ Bournemouth បានមានប្រសាសន៍ថា ភ័ស្តុតាងបុរាណវិទ្យាពីសម័យ Mesolithic គឺកម្រណាស់ ប៉ុន្តែឥឡូវនេះយើងរកឃើញឧបករណ៍ព្រុយ និងភស្តុតាងសម្រាប់កន្លែងតាំងទីលំនៅបណ្តោះអាសន្នទាំងនេះ។
លោកបានប្រាប់វេបសាយ Advertiser & Times ថា យើងស្គាល់ទីតាំង Mesolithic មួយចំនួននៅជិតទន្លេ Beaulieu ហើយវាហាក់ដូចជាមានកន្លែងមួយផ្សេងទៀតនៅទីតាំងនេះ ។ក្រុមអ្នកស្រាវជ្រាវបាននិយាយថា ការស៊ើបអង្កេតលើស្នាមភ្លោះនេះកំពុងបញ្ចាំងពន្លឺទៅលើការយល់ដឹងរបស់យើងអំពីការកសាងបូជនីយដ្ឋានបុរាណ និងការអនុវត្តបញ្ចុះនៅក្នុងតំបន់។
លោក Milward បានបន្ថែមថា វិមាននានាដែលមានច្រកចូល និងផ្នែកខាងក្នុងបើកចំហដូចជាមួយនេះប្រហែលជាកន្លែងប្រជុំ ត្រូវបានប្រើដើម្បីអនុវត្តពិធីដែលមានសារសំខាន់សម្រាប់សហគមន៍មូលដ្ឋាន៕ដោយ៖លី ភីលីព
