អង់គ្លេស៖ ការសិក្សាបានអះអាងថា ការសាយភាយឧស្ម័នផ្ទះកញ្ចក់ពិភពលោក ក្នុងសតវត្សរ៍ចុងក្រោយនេះបានធ្វើឲ្យភាគខាងត្បូង ប្រទេសចិនក្លាយជាចំណុចក្តៅសម្រាប់មេរោគឆ្លង Covid-19 ពីសត្វប្រចៀវនេះបើយោងតាមការចេញផ្សាយពីគេហទំព័រឌៀលីម៉ែល។
ក្រុមអ្នកស្រាវជ្រាវអង់គ្លេសបាននិយាយថា ការបំភាយឧស្ម័នផ្ទះកញ្ចក់ពិភពលោកនៅសតវត្សរ៍ចុងក្រោយនេះបានជំរុញឲ្យមានការលូតលាស់នៃជម្រកព្រៃឈើដែលចូលចិត្តដោយសត្វប្រចៀវ។ ប្រការនេះបានធ្វើឲ្យភាគខាងត្បូងប្រទេសចិនជាពិសេសខេត្តយូណានរបស់ចិនជាចំណុចក្តៅពិភពលោក សម្រាប់វីរុសដែលមានដើមកំណើតពីសត្វប្រចៀវបង្កដោយមេរោគ SARS-CoV-2 ។
សត្វប្រចៀវដើរតួជាអាងស្តុកទឹកនៃពពួកវីរុស Zoonotic ជាច្រើនរួមទាំងមេរោគ SARS-CoV មេរោគ MERS CoV និងមេរោគ the Ebola virus។ គេគិតថា មេរោគ SARS-CoV-2 មានប្រភពមកពីសត្វប្រចៀវ ទោះបីជាអ្នកវិទ្យាសាស្ត្រនៅតែជជែកវែកញែកពីប្រភពដើមនៃមេរោគនេះក៏ដោយដែលប្រហែលជាមិនត្រូវបានបញ្ជាក់ជាផ្លូវការទេ។
ក្រុមអ្នកស៊ើបអង្កេតរបស់អង្គការសុខភាពពិភពលោកបានសារភាពនៅសប្តាហ៍នេះថា បេសកកម្មស្រាវជ្រាវរបស់ពួកគេនៅវ៉ូហាននឹងមិនឈានដល់គោលដៅរបស់ខ្លួនដើម្បីបង្ហាញពីរបៀបដែលវីរុសឆ្លងលោតចេញពីសត្វទៅមនុស្ស។ វាទំនងជាមានដើមកំណើតពីដូនតារបស់វានៅក្នុងប្រភេទសត្វប្រចៀវ ប៉ុន្តែប្រហែលជាបានទៅដល់មនុស្សតាមរយៈប្រភេទអន្តរការីដូចជាសត្វពង្រូល ថនិកសត្វ តែងតែច្រឡំចំពោះសត្វល្មូន៕ដោយ៖លី ភីលីព
