អេស្ប៉ាញ៖អ្នកបុរាណវិទូដែលបានរកឃើញគ្រោងឆ្អឹង មានមកុដប្រាក់មួយបាននិយាយថា នាសង្គមយុគសម័យសំរិទ្ធការរស់ នៅក្នុងប្រទេសអេស្ប៉ាញ កាល៤០០០ឆ្នាំមុន ប្រហែលជាត្រូវបានគ្រប់គ្រងដោយស្ត្រីនេះបើយោងតាម ការចេញផ្សាយពី គេហទំព័រឌៀលីម៉ែល។
គ្រោងឆ្អឹងរបស់ស្ត្រីម្នាក់ត្រូវបានគេកប់ដោយប្រាក់ និងវត្ថុធ្វើពីបុណ្យសពផ្សេងទៀតត្រូវបានគេរកឃើញនៅយុគសម័យសំរិទ្ធរបស់អេស្ប៉ាញនៃ តំបន់ La Almoloya ។ អ្នកបុរាណវិទ្យាមកពីសាកលវិទ្យាល័យស្វយ័តបាសេឡូណាបានរកឃើញសាកសពស្ត្រី និងបុរសម្នាក់នៅក្នុងពាងរាងពងក្រពើត្រូវបានគេកប់ នៅក្រោមកម្រាល ដែលគេជឿថា ជាវិមានយុគសំរិទ្ធ ឬអគាររដ្ឋាភិបាល។
ស្ត្រីរូបនេះរស់នៅក្នុងសង្គមមួយដែលមានឈ្មោះថា ‘El Argar’ ដោយអ្នកជំនាញបានដាក់ឈ្មោះតាមកន្លែងជីកដំបូងដែលភស្តុតាងវប្បធម៌នៃ សង្គមបុរាណត្រូវបានរកឃើញនៅឆ្នាំ១៨៨០។ វប្បធម៌អារីហ្សេរីយ៉ាបានគ្របដណ្ដប់លើ តំបន់ភាគអាគ្នេយ៍នៃប្រទេសអេស្ប៉ាញចន្លោះឆ្នាំ ២២០០ មុនគ. ស និង១៥៥០ មុនគ.ស ហើយវាត្រូវបានគេសង្ស័យជាយូរមកហើយថា ស្ត្រីមានតួនាទីជាអ្នកដឹកនាំក្នុងសង្គម។
ក្រុមអ្នកជំនាញបាននិយាយថា វត្ថុធ្វើបុណ្យសពភាគច្រើនត្រូវ បានរកឃើញលើស្ត្រីរួមទាំងមកុដ និងខ្សែដៃប្រាក់ផងដែរដោយស្នើឲ្យនាងជាជាងបុរស។ អ្នកស្រាវជ្រាវ នាំមុខការសិក្សា លោក Roberto Risch បាននិយាយថា ស្ត្រីនៃវណ្ណៈគ្រប់គ្រងប្រហែលជា បានដើរតួយ៉ាងសំខាន់ក្នុងអភិបាលកិច្ច El Argar ។
នេះគឺជាសង្គមមួយដែលមានការរីកចម្រើន នៅភាគអាគ្នេយ៍នៃឧបទ្វីបអ៊ីប៊ែររៀនៅចន្លោះ ២២០០ និង ១៥៥០ មុនគ.សមានរយៈពេល ២ សតវត្សហើយក្លាយជាអង្គការរដ្ឋដំបូងនៃភាគខាងលិចមេឌីទែរ៉ាណេ៕ដោយ៖លី ភីលីព
