នូវែលសេឡង់៖អ្នកស្រាវជ្រាវនៅសាកលវិទ្យាល័យ Cambridge និយាយថា ការកើនឡើង និងការធ្លាក់ចុះនៃផ្ទៃផែនដីក្នុងរយៈពេល៣លានឆ្នាំចុងក្រោយនេះបានបង្ហាញពីការវិវត្តនៃបក្សី និងថនិកសត្វនាពេលបច្ចប្បន្ននេះបើយោងតាមការចេញផ្សាយពីគេហទំព័រឌៀលីម៉ែល។
ការសិក្សាស្រាវជ្រាវថ្មីមួយបានរកឃើញថា វាគួរឲ្យភ្ញាក់ផ្អើល ការកើនឡើងនេះមានឥទ្ធិពលកាន់តែច្រើនទៅលើការបង្កើតប្រភេទសត្វថ្មីដែលគេស្គាល់ថា ជាលក្ខណៈពិសេសជាងការប្រែប្រួល អាកាសធាតុ និងប្រវត្តិសាស្ត្រ។ អ្នកជំនាញនិយាយថា ការផ្លាស់ប្តូរសណ្ឋានដីក្នុងទម្រង់នៃការកើនឡើងនៃជួរភ្នំអាចបង្កើតជម្រកថ្មី និងតំបន់ពិសេស ដែលប្រភេទសត្វថ្មីវិវត្តនិងធ្វើពិពិធកម្ម។
ស្រាវជ្រាវបានបន្តថា ប្រភេទសត្វថ្មីប្លែកៗដែលវិវត្តនៅជួរភ្នំរួម មានសត្វសេកភ្នំជាសេក ដ៏ធំមួយត្រូវបានគេរកឃើញនៅតំបន់ Alpine របស់នូវែលសេឡង់ និងចៀម Bighorn នៅលើភ្នំ Rocky។ វាស្ថិតនៅតាមតំបន់ Alpine នៃកោះខាងត្បូងរបស់ប្រទេសរួមទាំងឧទ្យានជាតិ Mount Cook។ ចំណែកអ្នកស្រាវជ្រាវជាន់ខ្ពស់លោកវេជ្ជបណ្ឌិត Andrew Tanentzap មានប្រសាសន៍ថា ជាញឹកញាប់នៅលើកំពូលភ្នំមានប្រភេទសត្វប្លែកៗជាច្រើនទៀតមិនត្រូវបានរកឃើញនៅកន្លែងផ្សេងទៀត។
ការបង្កើតប្រភេទសត្វថ្មីត្រូវបានគេគិតថា ត្រូវបានជំរុញដោយអាកាសធាតុ យើងបានរកឃើញថា ការផ្លាស់ប្តូរកម្ពស់មានឥទ្ធិពលធំជាងមុននៅកម្រិតសកល។ ក្រុមនេះបានរកឃើញថា ផលប៉ះពាល់នៃការកើនឡើង នៅលើអត្រានៃការបង្កើតប្រភេទសត្វថ្មីតាមពេលវេលាត្រូវបានគេសង្កេតឃើញចំពោះថនិកសត្វជាងបក្សី។
ប៉ុន្តែនេះទំនងជាដោយសារតែ បក្សីអាចហោះហើរ ឆ្លងកាត់ឧបសគ្គដើម្បីស្វែងរកមិត្ត នៅតំបន់ផ្សេងទៀត រីឯសត្វស្លាបត្រូវបានប៉ះពាល់ដោយសីតុណ្ហភាព បច្ចុប្បន្នច្រើនជាងថនិកសត្វ។ លោកវេជ្ជបណ្ឌិត Tanentzap បានបន្តថា កត្តាសំខាន់២អាចជួយពន្យល់ពីមូលហេតុដែលការកើនឡើងនៃ ដីស្មើនឹងការវិវត្តលឿន៕ ដោយ៖លី ភីលីព
