អង់គ្លេស៖ អ្នកបុរាណវិទូ ជីករកលានដ្ឋានសង្គ្រាមលោកលើកទី ២ របស់ណាស៊ីត្រូវបានរកឃើញ សាងសង់នៅខាងក្នុង បន្ទាយរ៉ូម៉ាំងបុរាណ ដែលមានអាយុកាល ១៧០០ ឆ្នាំនៅលើកោះចក្រភពអង់គ្លេស ដែលជាកន្លែងជំរុំប្រមូលផ្តុំ ត្រូវបានសាងសង់ឡើង នេះបើយោងតាមការចេញផ្សាយ ពីគេហទំព័រឌៀលីម៉ែល។
លេនដ្ឋាននេះមានទីតាំងនៅ Alderney Nunnery មានទំហំជិត១០០ម៉ែត្រការ៉េដែលមានជ្រុងមូល និងប៉មត្រូវបានសាងសង់ នៅប្រហែលឆ្នាំ ៣៥០ មុនគ.ស។ វាត្រូវបានគេចាត់ទុកថា ជាបន្ទាយរ៉ូម៉ាំង ត្រូវបានថែរក្សាយ៉ាងល្អបំផុត នៅកោះអង់គ្លេស និងមានទីតាំងស្ថិតនៅលើកោះតែមួយ ជាមួយជំរុំប្រមូលផ្តុំ Lager Sylt ត្រូវបានរកឃើញយ៉ាងលម្អិត កាលពីឆ្នាំមុនជាលើកដំបូង ចាប់តាំងពីសង្គ្រាមលោកលើកទី ២ ។
Alderney ជាអង្គការសប្បុរសធម៌មួយ ដែលផ្តោតលើបុរាណវិទ្យា នៃកោះនេះបានសរសេរនៅលើ Facebook ថា ការពិតមួយ ដែលធ្វើឲ្យអ្នកស្រាវជ្រាវភ្ញាក់ផ្អើលនោះ គឺថាជនជាតិអាល្លឺម៉ង់ បានសាងសង់លេនដ្ឋានរបស់ពួកគេ ប្រឆាំងនឹងថ្មរបស់ជនជាតិរ៉ូម៉ាំង។ ពួកគេក៏បានរកឃើញភស្តុតាងថា ជនជាតិអាល្លឺម៉ង់ បានប្រុងប្រយត្ន័ជាមួយជញ្ជាំងប៉មរ៉ូម៉ាំង ដែលបេតុងរ៉ូម៉ាំង គ្រាន់តែជាការការពារបន្ថែមប៉ុណ្ណោះ។
អ្នកបុរាណវិទូក៏បានរកឃើញភស្តុតាង នៃប៉ុស្តិ៍សង្កេតការណ៍របស់អាល្លឺម៉ង់ នៅផ្នែកខាងក្រៅនៃប៉ម។ លោកវេជ្ជបណ្ឌិត Jason Monaghan ជាអ្នកស្រាវជ្រាវផ្នែកបុរាណវិទ្យា បានប្រាប់ BBC ថា អ្នកជំនាញបានរកឃើញថា លេនដ្ឋានត្រូវបានដាក់នៅខាងក្នុងជញ្ជាំង កម្រាស់៣ម៉ែត្ររបស់ប៉មរ៉ូម៉ាំង។ យើងបានឃើញវិធី ដែលជនជាតិអាល្លឺម៉ង់ បានបញ្ចូលលេនដ្ឋានបុគ្គលិក យ៉ាងពិតប្រាកដ នៅខាងក្នុងប៉មរ៉ូម៉ាំងចាស់៕ ដោយ៖លី ភីលីព
