ប៉ារីស៖ គ្រោងឆ្អឹងដាយណូស័រដ៏ល្បីល្បាញ ដែលជាឆ្អឹងពពួកសត្វដាណូស័រ triceratops ពេញលេញបំផុត ដែលត្រូវបានរកឃើញ នឹងត្រូវដាក់លក់ដេញថ្លៃ នៅខែក្រោយ ហើយត្រូវបានគេប៉ាន់ប្រមាណថា នឹងទទួលបាន ១,៨ លានដុល្លារ នេះបើយោងតាមការចេញផ្សាយ ពីគេហទំព័រឌៀលីម៉ែល។
Drout ជាកន្លែងដេញថ្លៃ បាននិយាយនៅលើគេហទំព័ររបស់ខ្លួនថា គ្រោងឆ្អឹងដែលមានឈ្មោះថា Big John មានភាពពេញលេញជាង ៦០ ភាគរយ ហើយលលាដ៍ក្បាល របស់វារួចរាល់ ៧៥ ភាគរយហើយ។ Big John មានអាយុ ៦៦ លានឆ្នាំ ដោយលលាដ៍ក្បាលរបស់សត្វនេះ មានប្រវែង២,៦ ម៉ែត្រ និងទទឹង២ ម៉ែត្រ ចំណែកស្នែងនៅលើ ក្បាលដាយណូស័រធំ ៗ មានប្រវែង១,១ ម៉ែត្រ និងទទឹងជិត ១២ អ៊ីញ។
យោងតាមសារព័ត៌មាន New Atlas ថា ពួកគេបានធ្វើឲ្យសត្វដ៏អស្ចារ្យនេះ អាចទប់ទល់នឹងសម្ពាធ ១៦ តោន។Drouot ប៉ាន់ប្រមាណថា នឹងលក់ក្នុងតម្លៃ ១,៤ ទៅ ១,៨ លានដុល្លារ នៅពេលអដ្ឋិធាតុ នៅក្រោមញញួរនៅប៉ារីស នៅខែក្រោយ។ Alexandre Giquello ដែលកំពុងនាំមុខគេ ក្នុងការលក់នេះបាននិយាយថា ខ្ញុំស្រមៃថាមានអ្នកទិញប្រហែល ១០ នាក់នៅទូទាំងពិភពលោក ចំពោះដុំប្រភេទនេះ។
ឆ្អឹងដំបូងត្រូវបានរកឃើញ នៅខែឧសភាឆ្នាំ ២០១៤ ដោយភូគព្ភវិទូលោក Walter W. Stein Bill ក្នុងការបង្កើត Hell Creek នៅ South Dakota ។ ចាប់តាំងពីពេលនោះ មកគ្រោងឆ្អឹងរបស់ Big John ចំនួន ៦០ ភាគរយត្រូវបានគេរកឃើញ រួមទាំងលលាដ៍ក្បាល ស្ទើរតែទាំងស្រុង ហើយសរុបមកឆ្អឹង ដាយណូស័រជាង ២០០ ត្រូវបានគេរកឃើញ៕ ដោយ៖លី ភីលីព
