អាមេរិក៖ ការសិក្សាស្រាវជ្រាវថ្មីមួយ បានបង្ហាញថា ធ្មេញរបស់ស្រមោច មានភាពរឹងមាំដោយសារវា មានអាតូមស័ង្កសី ដែលត្រូវបានដាក់ចេញ តាមរបៀបធ្វើឲ្យពួកគេកាត់ស្លឹកឈើ និងមិនទទួលរងការខូចខាត ប៉ុន្តែការរកឃើញវា មិនអាចខាំគ្រឿងអេឡិចត្រូនិកបានឡើយ នេះបើយោងតាមការចេញផ្សាយ ពីគេហទំព័រឌៀលីម៉ែល។
អ្នកស្រាវជ្រាវនៅមន្ទីរពិសោធន៍ជាតិ ពាយ័ព្យប៉ាស៊ីហ្វិក នៃក្រសួងថាមពលអាមេរិក (PNNL) បានដឹងថា ធ្មេញរបស់ស្រមោច ដែលនៅខាងក្រៅមាត់របស់ពួកគេ ត្រូវបានចងជាប់ជាមួយអាតូមស័ង្កសី មានទម្ងន់ជាង ៨ ភាគរយនៃធ្មេញ។
ស័ង្កសី ត្រូវបានគេដាក់រាបស្មើតាមរបៀប ដែលវាធ្វើឲ្យស្រមោចកាត់ស្លឹកឈើ ហើយមិនមានការខូចខាតអ្វីឡើយ។
អ្នកវិទ្យាសាស្ត្រ PNNL លោកArun Devaraj បាននិយាយនៅសេចក្តីថ្លែងការណ៍មួយថា យើងអាចមើលឃើញថាស័ង្កសី ត្រូវបានចែកចាយស្មើៗគ្នានៅក្នុងធ្មេញ ដែលជាការភ្ញាក់ផ្អើលមួយ ហើយយើងរំពឹងថាស័ង្កសី នឹងត្រូវបានប្រមូលផ្តុំ នៅក្នុងNano-nodules។
ដោយសារតែភាពលេចធ្លោនៃស័ង្កសី ក្រុមអ្នកស្រាវជ្រាវបានប៉ាន់ប្រមាណថា ស្រមោចអាចប្រើកម្លាំង ៦០ ភាគរយ ឬតិចជាងនេះដែលពួកគេ នឹងត្រូវប្រើ ប្រសិនបើធ្មេញរបស់ពួកគេធ្វើពីវត្ថុធាតុ ស្រដៀងនឹងមនុស្សដូចជា មានឬសដ៏រឹងមាំ។
យោងតាមសាស្ត្រាចារ្យរង នៅសាកលវិទ្យាល័យ Oregon លោក Robert Schofield ដែលដឹកនាំការស្រាវជ្រាវថា លក្ខណៈពិសេសនេះ អាចត្រូវបានអនុវត្តដោយវិស្វករ។
លោក Schofield បាននិយាយថា វិស្វករមនុស្សក៏អាចរៀន ពីល្បិចជីវសាស្ត្រនេះដែរ។ ឧទាហរណ៍ភាពរឹងនៃធ្មេញស្រមោចកើនឡើង ពីភាពរឹងរបស់ប្លាស្ទិចទៅជាភាពរឹង របស់អាលុយមីញ៉ូម នៅពេល ស័ង្កសីត្រូវបានបន្ថែម ខណៈពេលដែលមានសំភារៈ វិស្វកម្មពិបាកជាងពួកគេច្រើន តែងាយផុយ៕ ដោយ៖លី ភីលីព
