បរទេស៖ មន្ត្រីកំពុងរៀបចំការជម្លៀសសត្វដំរីប្រមាណ ១០០ ក្បាលនៅជំរុំដំរីAyutthaya Elephant Palace & Royal Kraal បន្ទាប់ពីទឹកទន្លេ Lopburi បានជន់លិចហូរហៀរ។ គិតត្រឹមព្រឹកថ្ងៃពុធ ទឹកទន្លេបានហក់ឡើង៣០សង់ទីម៉ែត្រ ដោយហូរជន់លិចផ្ទះនៅឃុំកោះ និង Suan Prik ក្នុងស្រុកមឿង ក្រុងអយុធ្យា។
យោងតាមសារព័ត៌មាន The Nation ចេញផ្សាយនៅថ្ងៃទី៥ ខែតុលា ឆ្នាំ២០២២ បានឱ្យដឹងថា ជំរំដំរីនៅ Suan Prik ក៏រងផលប៉ះពាល់ផងដែរ។
កម្មករ អ្នកស្ម័គ្រចិត្ត និងកងទ័ពមកពីកងវរសេនាតូចទ័ពសេះទី ១១ នៃកងវរសេនាធំទ័ពសេះទី ៤ បានប្រញាប់ប្រញាលដើម្បីសាងសង់ទំនប់ទឹកដើម្បីការពារជំរុំដំរី។
ប៉ុន្តែលោក Riangthongbat Meephan នាយករងនៃជំរុំបាននិយាយថា សត្វដំរីប្រហែលជាត្រូវផ្លាស់ទីទៅតំបន់មួយផ្សេងទៀត ប្រសិនបើទឹកកើនឡើងលើសកម្រិត៕
ប្រែសម្រួលៈ ណៃ តុលា
