ប្រសិនបើអ្នកធ្លាប់មានបទពិសោធន៍ជិះយន្តហោះ ឬជាមនុស្សដែលពូកែចាប់អារម្មណ៍លើអ្វីមួយ អ្នកប្រហែលជាបានកត់សម្គាល់ឃើញថា នារីបម្រើការលើយន្តហោះ តែងតែដាក់ដៃព័ទ្ធមកក្រោយ នៅពេលស្វាគមន៍អ្នកដំណើរ ឬដើរនៅក្នុងកាប៊ីនយន្តហោះ។
នៅពេលដែលធ្វើបែបនេះ នារីបម្រើការលើយន្តហោះទាំងនោះ នឹងមិនពិនិត្យមើលទេថា អ្នកដំណើរបានដាក់ខ្សែក្រវាត់ ឬបិទទូរសព្ទឬក៏អត់ឡើយ។ ផ្ទុយទៅវិញ វាមានមូលហេតុដ៏សំខាន់មួយ នៅពីក្រោយរឿងនេះ។ ពិតណាស់ វាគឺជារឿងសាមញ្ញធម្មតាមួយប៉ុណ្ណោះ ព្រោះនៅមុនពេលចេញដំណើរ នារីបម្រើការលើយន្តហោះ ត្រូវរាប់ចំនួនអ្នកដំណើរនៅលើយន្តហោះ។ ការរាប់ចំនួនអ្នកដំណើរ ត្រូវបានធ្វើឡើង នៅពេលអ្នកដំណើរឡើងយន្តហោះ ឬអង្គុយចុះគ្រប់គ្នា។
នារីបម្រើការលើយន្តហោះ ប្រើប្រាស់ឧបករណ៍ពិសេសម្យ៉ាងដើម្បីរាប់ចំនួនអ្នកដំណើរ (ដូចរូបខាងក្រោម) ដោយត្រូវដាក់ដៃរបស់ពួកគេព័ទ្ធទៅក្រោយ ក្នុងគោលបំណងមិនចង់ទាក់ទាញការចាប់អារម្មណ៍ខ្លាំងពេក៕
