ហុងកុង ជាទីក្រុងមួយប្រៀបបានជាបេះដូង និង សរសៃឈាមនៃសេដ្ឋកិច្ចក្នុងតំបន់អាស៊ី។ តំបន់រដ្ឋបាលពិសេសរបស់ចិនមួយនេះ ជាគោលដៅទេសចរណ៍ដ៏មានសក្តានុពល នៅលើពិភពលោក ដោយសម្បូរទៅដោយ Street Food យ៉ាងសម្បូរបែប អគារខ្ពស់ៗជាបណ្តុំសេដ្ឋកិច្ច ជីវិតពេលរាត្រី Night Life ដ៏គួរឱ្យចងចាំ រួមជាមួយទីតាំងប្រវត្តិសាស្រ្ត ជាដើម។
តើអ្នកមានគម្រោង សម្រាប់ដំណើរកម្សាន្ត ក្នុងថ្ងៃឆ្លងឆ្នាំ នាពេលខាងមុខហើយ ឫ នៅ ? បើនៅទេ លោកអ្នកអាចពិចារណា ទីក្រុងហុងកុង សម្រាប់ ដំណើរកម្សាន្តរបស់លោកអ្នកបាន។
សូមណែនាំ បារ ល្បីៗ ទាំង ៥ កន្លែង នៅក្នុងទីក្រុងហុងកុង ៖
១. Bar Leone
For the top of the class
ជាបារ ប្រណិត ដែលបានជាប់នៅក្នុងបញ្ជី Asia’s 50 Best Bars 2024។ អ្នកក្រឡុកស្រា ល្បីឈ្មោះ Lorenzo Antinori នឹងបង្ហាញទឹកដៃនៃ ការលាយបញ្ចូលគ្នានៃប្រភេទស្រាផ្សេងៗ បង្កើតបានជាភេសជ្ជៈមួយ មាននូវរសជាតិដក់ជាប់អារម្មណ៍។ មីនុយ ដែលពេញនិយមនៅក្នុង បារ មួយកន្លែងនេះ គឺជា Drinks ប្រភេទ classics។
Signature Drink : Negroni
២. The Savoury Project
For the adventurer
ជាបារ កើតចេញពីមនុស្សមួយក្រុមដែលចូលចិត្តនូវគំនិតថ្មីៗ។ មនុស្សមួយក្រុមនោះ បានគិតគ្នាថា ហេតុធ្វីបានជា cocktails ត្រូវតែមានរសជាតិផ្អែម ? ភេសជ្ជៈល្បីៗ មានដូចជាស្រា Rum ធ្វើចេញពីសណ្តែកដី ទឹកដូង ម្ទេស និង ម្រេច។
Signature Drink : Miso Coffee Boulevardier
៣. XX
For the muso
ជាបារ ស្ថិតក្នុងសណ្ឋាគារប្រណិត Rosewood Hong Kong ផ្តល់នូវបរិយាកាសយ៉ាងមនោរម្យ សម្រាប់អ្នកចង់រកកន្លែង បែប high-class។ មានភ្លេងប្រគំ ដោយ Vocalist លោក Daniel Park ដើម្បីកំដរលោកអ្នកថែមទៀតផង។
Signature Drink : Dragon Eye
៤. The Aubrey
For the party animal
ជាបារ ដែលបណ្តុំទៅដោយ DJ ក្នុងស្រុក និង ក្រៅស្រុក សម្រាប់អ្នកចូលចិត្តការរាំលេងកម្សាន្ត។ រៀងរាល់ថ្ងៃសុក្រ នឹងមាន DJ ចាក់ភ្លេងល្បីៗ ដើម្បីបង្កើននូវបរិយាកាសជីវិតពេលរាត្រី នៅហុងកុង ឱ្យកាន់តែមានអត្ថន័យថែមមួយកម្រិតទៀត។ Special Drink : Utogi
៥. Argo
For the social sipper
ជាបារ មួយកន្លែង សម្រាប់អ្នកចូលចិត្តបរិយាកាស បែប cozy។ នៅក្នុងបារនេះ អ្នកអាចមើលឃើញទេសភាពនៅខាងក្រៅ បូករួមជាមួយនឹងភេសជ្ជៈ coctails ដែលបានច្នៃប្រឌិតថ្មី យ៉ាងល្អវិសេស ត្រៀមសម្រាប់លោកអ្នក។ អ្នករកកន្លែងដើម្បីជជែកគ្នាជាមួយដៃគូ មិនថា ដៃគូជំនួញ ឫ ដៃគូស្នេហា នោះទេ Argo Bar នឹងផ្តល់នូវរាត្រីដែលមិនអាចបំភ្លេចបាន ក្នុងទីក្រុងហុងកុង។
