អង់គ្លេស៖ ការសិក្សាមួយរបស់ អ្នកស្រាវជ្រាវបានរកឃើញថា ការដើរដោយរយៈពេល ១២នាទី ហើយយើងបង្វែរមកដើរដោយថាមពលរយៈពេល ៧នាទីជារៀងរាល់ថ្ងៃ កាត់បន្ថយឱកាសនៃការស្លាប់មុនអាយុប្រហែល ៣០ភាគរយ នេះបើយោងតាមការចេញផ្សាយពី គេហទំព័រឌៀលីម៉ែល។
អ្នកជំនាញដឹកនាំមកពី Cambridge បានប្រើប្រាស់ទិន្នន័យអ្នកតាមដានសុខភាពដើម្បីបង្ហាញថា នៅពេលមានអាយុវែង វាមិនមែនជាចំនួនលំហាត់ប្រាណប៉ុន្មានឡើយ ប៉ុន្តែអាំងតង់ស៊ីតេដែលសំខាន់។ អ្នកស្រាវជ្រាវបាននិយាយថា ការរកឃើញនេះអាចជួយអ្នកតាមដានលំហាត់រាង្គកាយ ត្រូវបានផ្តល់ការងារ ពិសេសដើម្បីជួយលើកកម្ពស់ សុខភាពរបស់មនុស្ស។
អ្នកស្រាវជ្រាវបានសរុប នៅក្នុងរបាយការណ៍ របស់ពួកគេថា លទ្ធផលរបស់យើងបង្ហាញថា បរិមាណចំណាយថាមពលសកម្មភាពខ្ពស់ត្រូវបានផ្សារភ្ជាប់ជាមួយនឹង អត្រាមរណភាពទាប។ លើសពីនេះទៅទៀតពួកគេបានបន្ថែមទៀតថា ការសម្រេចបាននូវការចំណាយថាមពលដូចគ្នាតាមរយៈ សកម្មភាពអាំងតង់ស៊ីតេខ្ពស់ គឺមានទំនាក់ទំនងជាមួយ អត្ថប្រយោជន៍កាន់តែច្រើនជាង តាមរយៈសកម្មភាពអាំងតង់ស៊ីតេទាប។
នៅក្នុងការសិក្សារបស់ពួកគេ អ្នកជំនាញខាងរោគរាតត្បាត Tessa Strain នៃសាកលវិទ្យាល័យ Cambridge និងសហការីបានវិភាគទិន្នន័យសុខភាព និងទិន្នន័យពីអ្នកចូលរួម នៅចក្រភពអង់គ្លេសចំនួន ៩៦.៤៧៦ នាក់៕
ដោយ៖ លី ភីលីព
