អាមេរិក៖ យោងតាមការចេញផ្សាយ ពីគេហទំព័រស្គាយញ៉ូវបានប្រាប់ឲ្យដឹងថា ការស្រាវជ្រាវពាក់ព័ន្ធ នឹងមនុស្សពេញវ័យ ៤៩១,៣៦៧ នៅសហរដ្ឋអាមេរិក ដែលមានអាយុប្រហែល ៦២ ឆ្នាំបានរាយការណ៍ពីភាពញឹកញាប់ ដោយពួកគេទទួលទានត្រីចៀន ត្រីមិនចៀន និងត្រីធូណាកាលពីឆ្នាំមុន ក៏ដូចជាទំហំចំណែកផងដែរ។
យោងតាមការសិក្សាមួយបានឲ្យដឹងថា ការទទួលទានត្រី២ចំណែក ក្នុងមួយសប្តាហ៍ត្រូវបានផ្សារភ្ជាប់ ទៅនឹងការកើនឡើងហានិភ័យនៃជំងឺមហារីកស្បែក។ NHS ណែនាំត្រី២ចំណែក ក្នុងមួយសប្តាហ៍សម្រាប់របបអាហារ មានតុល្យភាព រួមទាំងត្រីខ្លាញ់មួយចំណែក ដែលមានទម្ងន់ប្រហែល ១៤០ក្រាម។
ទោះជាយ៉ាងណាក៏ដោយ ក្រុមអ្នកស្រាវជ្រាវ មកពីសហរដ្ឋអាមេរិកបានព្រមានថា ចំណែកចំនួន២ក្នុងមួយសប្តាហ៍ អាចធ្វើឲ្យមនុស្សប្រឈមនឹងហានិភ័យ នៃការកើតជំងឺមហារីកស្បែក ប្រភេទមហារីកស្បែក ដ៏សាហាវបំផុត។ ការសិក្សារបស់សាកលវិទ្យាល័យ Brown បានរកឃើញថា មនុស្សទទួលទានត្រីប្រចាំថ្ងៃធម្មតាគឺ ៤២.៨ ក្រាម (ប្រហែល ៣០០ ក្រាមក្នុងមួយសប្តាហ៍) មានហានិភ័យខ្ពស់នៃជំងឺមហារីកស្បែក ២២ ភាគរយ ជាងអ្នកដែលទទួលទានត្រឹមតែ ៣.២ ក្រាម។
ការសិក្សាក៏បានរកឃើញថា អ្នកទទួលទានត្រីច្រើន គឺមាន ២៨ភាគរយទំនងជាបង្កើតកោសិកាមិនធម្មតា នៅក្នុងស្រទាប់ខាងក្រៅ នៃស្បែកតែប៉ុណ្ណោះ ត្រូវបានគេស្គាល់ថាជាដំណាក់កាលទី 0 melanoma ឬ melanoma in situ ហើយត្រូវបានគេហៅថា ជាមុនមហារីក។
បន្ទាប់មកក្រុមអ្នកស្រាវជ្រាវ បានគណនាពីភាពញឹកញាប់ នៃករណីជំងឺមហារីកស្បែក ដែលកើតឡើងក្នុងរយៈពេល ១៥ ឆ្នាំ ដោយប្រើទិន្នន័យដែលទទួលបាន ពីការចុះបញ្ជីជំងឺមហារីក៕ ដោយ៖លី ភីលីព
