ជំងឺរលាកស្រោមសួត តើអ្នកដឹងអ្វីខ្លះ ពីជំងឺមួយនេះ?

ជំងឺរលាកស្រោមសួត គឺជាការរលាក នៃជាលិការវាងសួត និងឆ្អឹងជំនី ។
រោគសញ្ញានៃជំងឺ រលាកស្រោមសួត រោគសញ្ញាទូទៅបំផុត នៃការរលាកស្រោមសួត គឺការឈឺទ្រូងស្រួចស្រាវ នៅពេលអ្នកដកដង្ហើមយ៉ាងជ្រៅ។ ជួនកាល អ្នកក៏អាចមានអារម្មណ៍ ឈឺចាប់ក្នុងស្មាផងដែរ។

ការឈឺចាប់ អាចនឹង កាន់តែអាក្រក់ នៅពេលដែលអ្នកក្អក និងកណ្តាស់។ វាអាចត្រូវបានធូរស្រាល ដោយការដកដង្ហើមរាក់ៗ ។
រោគសញ្ញាផ្សេង ទៀតរួមមាន ការដង្ហើមខ្លី និងក្អកស្ងួត។

ពេលត្រូវទៅជួបគ្រូពេទ្យ
សូមទៅជួបគ្រូពេទ្យ ប្រសិនបើអ្នកមានការ ឈឺចាប់ទ្រូង ឬរោគសញ្ញាដទៃទៀតនៃជំងឺនេះ។

ជាទូទៅ គេអាចវិភាគរោគ វិនិច្ឆ័យបានតាម រយៈរោគសញ្ញារបស់អ្នក។ គ្រូពេទ្យរបស់អ្នកនឹង ស្តាប់សំលេងនៅតំបន់ទ្រូងរបស់អ្នក។

ការធ្វើតេស្តបន្ថែមទៀត ប្រហែលជាត្រូវការជាចាំបាច់ ដើម្បីស្វែងយល់ថាតើអ្វីដែលបណ្តាលឲ្យមានជំងឺនេះ និងភាពធ្ងន់ធ្ងររបស់វា។
ការធ្វើតេស្តទាំងនេះរួមមាន ៖

1. តេស្តឈាម
2. ការថតកាំរស្មី X
3. ការស្កេនអ៊ុលត្រាសោន
4. ការថតស្កេន
5. ការច្រឹបសាច់ទៅធ្វើកោសល្យវិច័យ។

ចូរទទួលយកជំនួយវេជ្ជសាស្រ្តភ្លាមៗ ប្រសិនបើអ្នកមាន ការឈឺទ្រូងធ្ងន់ធ្ងរ ជាពិសេសប្រសិនបើអ្នកមាន រោគសញ្ញាដទៃទៀតដូចជាក្អកឈាម ចង្អោរ ឬបែកញើស៕

ដោយ៖ ហង្ស សុបញ្ញា