អ៊ីរ៉ង់ ៖ ប្រភេទសត្វពីងពាងវល្លិថ្មីមួយ ប្រភេទត្រូវបានក្រុមអ្នកស្រាវជ្រាវ ដាក់ឈ្មោះដូចតារាសម្តែង Joaquin Phoenix នៅក្នុងរឿង ‘Joker’ ដោយសារតែលំនាំ នៅលើខ្នងរបស់សត្វ ដែលស្រដៀងនឹងស្នាមញញឹមដ៏ល្បីល្បាញ របស់លោកតែម្តង នេះបើយោងតាមការចេញផ្សាយ ពីគេហទំព័រឌៀលីម៉ែល ។
សត្វនេះត្រូវបានគេរកឃើញ នៅក្នុងប្រទេសអ៊ីរ៉ង់ និងបានដាក់ឈ្មោះរបស់វា ដោយសារតែលំនាំ ពោះរបស់សត្វឈ្មោលស្រដៀង នឹងការតុបតែងមុខដ៏ល្បី ដែលពាក់ដោយPhoenix នៅក្នុងខ្សែភាពយន្ត ។ សត្វដ៏កម្រមានឈ្មោះថា Loureedia phoenixi ចំណែកសត្វពីងពាង មានរោមស្តើងខ្មៅ នៅលើដងខ្លួនភាគច្រើន របស់វាជាមួយនឹង ខ្សែពណ៌ក្រហមភ្លឺ នៅខាងក្រោយ និងចំណុចពណ៌ស នៅចុងនីមួយៗ ។
ចំពោះសត្វពីងពាងវល្លិ គ្រប់ប្រភេទទាំងអស់ រស់នៅប្រទេសម៉ារ៉ុក និងអេស្បាញតាមតំបន់ទៅអ៊ីស្រាអែល ដែលត្រូវបានរកឃើញថ្មីនេះ ត្រូវបានរកឃើញដំបូងគេរស់នៅ ក្រៅសមុទ្រមេឌីទែរ៉ាណេ ។ សត្វពីងពាងវល្លិ៍ត្រូវបាន រកឃើញជាទូទៅនៅអឺរ៉ាសៀ និងផ្នែកខ្លះនៃទ្វីបអាហ្វ្រិក។ រោមឡើងរលោង និងក្រាស់ធ្វើឲ្យពួកគេមានឈ្មោះថា វល្លិ ហើយសំណាញ់របស់ពួកគេជាធម្មតាជាប់ដោយកម្ទេចកម្ទី និងខ្សាច់ ។
សត្វពីងពាងវល្លិមិនទំនង ជាមានពិសសម្រាប់សម្លាប់មនុស្សឡើយ ប៉ុន្តែវាអាចមានពិសខ្លះសម្លាប់ សត្វល្អិតរតែប៉ុណ្ណោះ ។ លោក Alireza Zamani អ្នកជំនាញខាងរោគវិទ្យាបានប្រាប់ថា ក្រុមសត្វពីងពាងវល្លិជាច្រើន បានបង្ហាញពីភាពស្រើបស្រាលផ្លូវភេទដែលបណ្តាល ឲ្យមានទំហំតូចជាង និងមានលក្ខណៈទូទៅនៃពណ៌របស់សត្វឈ្មោល ៕ដោយ៖លី ភីលីព
