អាមេរិក ៖ ក្រុមហ៊ុន Virgin Galactic បានចុះហត្ថលេខា លើកិច្ចព្រមព្រៀងថ្មី ជាមួយអង្គការអវកាសណាសា ដែលក្រុមហ៊ុនគ្រប់គ្រង ដោយលោក Richard Branson រៀបចំអវកាស យានិកពាណិជ្ជកម្ម នាពេលអនាគត សម្រាប់ការហោះហើរ ទៅកាន់ស្ថានីយ៍អវកាស អន្តរជាតិ នេះបើយោងតាមការចេញផ្សាយ ពីគេហទំព័រឌៀលីម៉ែល ។
យោងតាមកិច្ចព្រមព្រៀងនេះ Virgin Galactic នឹងបង្កើតកម្មវិធីបណ្តុះបណ្តាល អវកាសយានិក ឯកជនថ្មីមួយ និងមើលទៅបេក្ខជន សក្តានុពលអវកាស ។ នេះគឺជាគំនិតផ្តួចផ្តើម ថ្មីមួយ សម្រាប់ក្រុមហ៊ុនអវកាស ត្រូវបានគេរំពឹងថា នឹងចាប់ផ្តើមផ្តល់ ជូនការធ្វើដំណើរ ដោយចំណាយដល់អ្នកដំណើរ ទៅកាន់ទីអវកាសក្នុងឆ្នាំខាងមុខនេះ ។
កិច្ចព្រមព្រៀងច្បាប់ អវកាសដែលបានចុះហត្ថលេខា ជាមួយអង្គការណាសានឹងឃើញថា ក្រុមហ៊ុននេះប្រើប្រាស់ជំនាញ របស់ខ្លួនក្នុងការរៀបចំ អវកាសយានិកនាពេលអនាគត និងអនុវត្តវាទៅក្នុងប្រតិបត្តិការ អវកាសពាណិជ្ជកម្ម ដោយមានទំហំធំទូលាយ ។ ក្រុមហ៊ុន Virgin Galactic នឹងទទួលខុសត្រូវលើការស្វែង រកក្រុមហ៊ុន និងអង្គការដែលចាប់អារម្មណ៍ ក្នុងការបញ្ជូនមនុស្សទៅកាន់ស្ថានីយ៍ អវកាសអន្តរជាតិ ៕ដោយ៖លី ភីលីព
