អាមេរិក ៖ LinkedIn បានដាក់បង្ហាញ មុខងារពិសេស ដែលអនុញ្ញាតឲ្យអ្នកប្រើប្រាស់ បញ្ចូលឈុតអូឌីយ៉ូ ដោយបង្ហាញពីរបៀបបញ្ចេញឈ្មោះ របស់ពួកគេយ៉ាងត្រឹមត្រូវ នេះបើយោងតាមការចេញផ្សាយ ពីគេហទំព័រឌៀលីម៉ែល។
គេហទំព័របណ្តាញវិជ្ជាជីវៈនេះ អនុញ្ញាតឲ្យអ្នកប្រើប្រាស់បញ្ចូលសំឡេងខ្លីៗ ដែលមានរយៈពេលរហូតដល់ ១០ វិនាទីដែលពួកគេអាចបញ្ចេញ សំឡេងផ្ទាល់មាត់។ ឃ្លីបទាំងនោះអាចត្រូវបានបន្ថែម ទៅក្នុងប្រវត្តិរូបរបស់ មនុស្សម្នាក់ហើយលេង ដោយអ្នកប្រើផ្សេងទៀតនៅលើគេហទំព័រ។
LinkedIn បាននិយាយនៅក្នុងការបង្ហោះប្លក់ថា លោកអ្នកធ្លាប់តែឃើញឈ្មោះ របស់នរណាម្នាក់ សរសេរ ហើយរកឃើញថា ខ្លួនឯងមិនច្បាស់ពីរបៀបបញ្ចេញសំឡេងឲ្យត្រឹមត្រូវ? ការបញ្ចេញសំឡេងត្រឹមត្រូវ មិនត្រឹមតែជាសុភាពរាបសាទេ វាជាផ្នែកសំខាន់មួយ នៃការបង្កើតចំណាប់អារម្មណ៍ដំបូង និងបង្កើតកន្លែងធ្វើការ។
មុខងារនេះអាចត្រូវបានប្រើដោយអ្នកប្រើ LinkedIn នៅលើកម្មវិធីប្រព័ន្ធប្រតិបត្តិការ Android ឬ iOS របស់ក្រុមហ៊ុន ទោះបីជាការចាក់សំឡេងឡើងវិញ ក៏អាចត្រូវបានប្រើ នៅលើទូរស័ព្ទចល័ត និងកុំព្យូទ័រលើតុក៏ដោយ ។ ដើម្បីបន្ថែមការបញ្ចេញសំឡេង ទៅប្រវត្តិរូបរបស់អ្នកអ្នកអាច ចូលទៅកាន់ទំព័រផ្ទាល់ខ្លួនរបស់អ្នកដោយចុចលើ ‘មើលពត៌មាន’ លើកម្មវិធី បន្ទាប់មកកែសម្រួលហើយបន្ទាប់មក ប៉ះការបញ្ចេញសំឡេងឈ្មោះ៕ដោយ៖លី ភីលីព
