ផ្លរីដា៖ ការសិក្សាស្រាវជ្រាវថ្មី បានបង្ហាញថា ត្រីបាឡែនពណ៌ស Beluga បង្កើតបានជាចំណងសង្គម ដែលមានភាពស្មុគស្មាញ និងយូរអង្វែង ដោយមានទាំងទំនាក់ទំនង រវាងញាតិសន្តាន និងសាច់ញាតិ បានឆ្លុះបញ្ចាំងពីទម្លាប់សង្គម របស់មនុស្សនាពេលបច្ចុប្បន្ន នេះបើយោងតាមការចេញផ្សាយ ពីគេហទំព័រឌៀលីម៉ែល។
ក្រុមអ្នកស្រាវជ្រាវ មកពីសាកលវិទ្យាល័យផ្លរីដា អាត្លង់ទិក “Florida Atlantic” បានសិក្សាពីចលនា និងឥរិយាបថរបស់ត្រីបាឡែន Beluga ឆ្លងកាត់១០ទីតាំងផ្សេងគ្នា នៅតំបន់អាក់ទិក។
ពួកគេបានរកឃើញថា មិនដូចត្រីបាឡែន ឃាតកដែលមានទំនោរ ទៅរកសង្គម នៅតាមបណ្តោយបន្ទាត់ម៉ាទ្រីលីន។ ត្រីបាឡែន Beluga ជារឿយៗ លាយបញ្ចូលគ្នាជាក្រុមធំៗ និងចម្រុះដែលជារឿយៗ ពង្រីកឆ្ងាយពីក្រុមគ្រួសារសាមញ្ញ។
លោកGreg O’Corry-Crowe មកពី Florida Atlantic បានប្រាប់ប្លក់ព័ត៌មាន របស់ Florida Atlantic ថា សត្វត្រីប្រភេទនេះ មិនដូចត្រីបាឡែនឃាតក ចំពោះត្រីបាឡែនBeluga មិនគ្រាន់តែមានទំនាក់ទំនងគ្នា ឬទាក់ទងជាចម្បង ជាមួយសាច់ញាតិជិតស្និទ្ធប៉ុណ្ណោះទេ ហើយប្រៀបដូច សង្គមមនុស្សមួយចំនួនដែរ៕ ដោយ៖លី ភីលីព
