បរទេស ៖ កងកម្លាំងទ័ពអាកាស ទ័ពជើងទឹកនិងទ័ពជើងគោក របស់តៃវ៉ាន់ នៅថ្ងៃព្រហស្បតិ៍នេះ បានធ្វើសមយុទ្ធយោធា បាញ់គ្រាប់ពិត បង្ហាញពីការ វាយបកទៅលើកង កម្លាំងឈ្លានពាន ដោយលោកស្រី ប្រធានាធិបតី ត្សៃ អ៊ីងវិន និយាយថា វាបង្ហាញឲ្យឃើញ ការប្តេជ្ញាចិត្ត ការពារកោះលទ្ធិប្រជាធិបតេយ្យ ។
យន្តហោះចម្បាំង F-16 និងយន្តហោះចម្បាំងផលិតក្នុងស្រុក Ching-kuo បានធ្វើការវាយប្រហារ ហើយរថក្រោះជាច្រើនគ្រឿង បានរត់ជែងគ្នា ពាស់ពេញដី បាញ់គ្រាប់ផ្លោងកម្ទេចគោល ដៅនៅលើតំបន់ឆ្នេរ ។ បុគ្គលិកយោធាប្រហែល៨.០០០នាក់ បានចូលរួមក្នុង សមយុទ្ធយោធា ដែលប្រារព្ធធ្វើឡើង នៅលើវាឆ្នេរជិតទីក្រុង Taichung នៅកណ្ដាលកោះតៃវ៉ាន់ ។
គួរបញ្ជាក់ថា សមយុទ្ធយោធា ដែលមានឈ្មោះថា Han Kuang នេះ គឹជាសមយុទ្ធប្រចាំឆ្នាំដ៏ធំ របស់កោះតៃវ៉ាន់ ហើយសមយុទ្ធនៅឆ្នាំនេះ គឺធ្វើឡើងស្របពេល ដែលប្រទេសចិនបង្កសកម្មភាព យោធានៅជុំវិញកោះ ដោយរួមមានទំាងការហោះ ហើរយន្តហោះចម្បាំងនិងយន្តហោះទម្លាក់គ្រាប់ នៅជិតអ្វីដែលទីក្រុងប៉េកាំងហៅថា ជាទឹកដីពិសិដ្ឋរបស់ខ្លួន ៕
ប្រែសម្រួល៖ប៉ាង កុង
