ហាណូយ៖ ចំនួនប្រជាជនវៀតណាមអាចនឹងកើនដល់ ១០៧,២៥ លាននាក់ក្នុងឆ្នាំ ២០៤៤ គឺលឿនជាងការព្យាករណ៍របស់អង្គការសហប្រជាជាតិកាលពីមួយទសវត្សរ៍មុន។ នេះបើយោងតាមការសិក្សាថ្មីៗនេះ។
យោងតាមសារព័ត៌មាន VN Express ចេញផ្សាយនៅថ្ងៃទី១៨ ខែកក្កដា ឆ្នាំ២០២០ បានឱ្យដឹងថា ការសិក្សាដែលត្រូវបានចេញផ្សាយនៅលើទស្សនាវដ្ដីវេជ្ជសាស្ត្រ The Lancet កាលពីថ្ងៃអង្គារព្យាករណ៍ពីស្ថានភាពប្រជាជនចាប់ពីឆ្នាំ ២០១៨ ដល់ ២១០០ សម្រាប់ប្រទេសនិងដែនដីចំនួន ១៩៥ ដោយប្រើប្រាស់ការប៉ាន់ស្មានពីការសិក្សាអំពីបន្ទុកជំងឺសាកល (GBD) ឆ្នាំ ២០១៧ ដែលជាការសិក្សាអំពីរោគរាតត្បាតអង្កេត , ការរងរបួសនិងកត្តាហានិភ័យដល់សុខភាពនៅកម្រិតពិភពលោកជាតិនិងតំបន់។
ប្រទេសវៀតណាម នឹងឈានដល់ចំនួនប្រជាជនខ្ពស់បំផុតទី ៥ ក្នុងចំនោម ១៣ ប្រទេសនិងដែនដីនៅអាស៊ីអាគ្នេយ៍ បន្ទាប់ពីប្រទេសថៃ (៧១,៩៧ លាននាក់) នៅឆ្នាំ ២០២៨ , ប្រទេស Mauritius (១,៣ លាននាក់) និងប្រទេសស្រីលង្កា (២២,៣៤ លាននាក់) ក្នុងឆ្នាំ ២០៣១ និង ប្រទេស Seychelles (១១០,០០០) នៅឆ្នាំ ២០៤២ ។
តំបន់នេះត្រូវបានគេរំពឹងថានឹងឈានដល់ចំនួនប្រជាជនកំពូលរបស់ខ្លួនចំនួន ៧៨៦,៨៤ លាននាក់ នៅឆ្នាំ ២០៥២ ។
អង្គការសហប្រជាជាតិ កាលពីឆ្នាំមុនបានព្យាករណ៍ថាចំនួនប្រជាជនវៀតណាមនឹងកើនឡើងដល់ ១០៩,៧៩៥ លាននាក់នៅឆ្នាំ ២០៥៤ ។
បើតាមការសិក្សារបស់ទស្សនាវដ្តី Lancet គឺថា នៅឆ្នាំ ២១០០ ចំនួនប្រជាជនវៀតណាមនឹងថយចុះដល់ ៧២,៨៥ លាននាក់ដែលជាការកាត់បន្ថយ ២៤,២ ភាគរយពីឆ្នាំ ២០១៧ (៩៦,១៤ លាននាក់) ដែលជាការកាត់បន្ថយខ្ពស់បំផុតទី ៤ នៅក្នុងតំបន់នៅពីក្រោយប្រទេសស្រីលង្កា ៥១,៦ ភាគរយ (២១,៦ លានទៅ ១០,៤៥ លាននាក់) ប្រទេសថៃ ៥០,៩ ភាគរយ (៧០,៦៣ លានទៅ ៣៤,៦៦ លាន) និងប្រទេស Mauritius ៤៣,៣ ភាគរយ (១,២៧ លានដល់ ០,៧២ លាន) ។
របាយការណ៍នេះបាននិយាយថាមានតែប្រទេសចំនួនបួនប៉ុណ្ណោះនៅក្នុងតំបន់គឺប្រទេសម៉ាឡេស៊ី ម៉ាល់ឌីវ ហ្វីលីពីន និងទីម័រដែលនឹងឃើញប្រជាជនរបស់ពួកគេកើនឡើងនៅឆ្នាំ ២១០០។
កាលពីឆ្នាំមុន អង្គការសហប្រជាជាតិ បាននិយាយថាប្រជាជនវៀតណាមនឹងមានចំនួន ៩៧,៤៣៧ លាននាក់នៅឆ្នាំ ២១០០ ។
ការសិក្សារបស់ទស្សនាវដ្តី Lancet ក៏បានព្យាករណ៍ថា ប្រជាជនពិភពលោកនឹងកើនដល់ ៩,៧៣២ ពាន់លាននាក់នៅឆ្នាំ ២០៦៤ មុនពេលធ្លាក់ចុះដល់ ៨,៧៨៥ ពាន់លាននាក់នៅឆ្នាំ ២១០០ ចំពេលអត្រាធ្លាក់ចុះនៃការមានកូននិងប្រជាជនមានពណ៌ប្រផេះ៕
ប្រែសម្រួលៈ ណៃ តុលា
