សេអ៊ូល ៖ កាសែតសំខាន់ របស់កូរ៉េខាងជើង បានចុះផ្សាយរំលឹកអំពីទំនាក់ទំនង មិត្តភាពជាមួយរុស្ស៊ី កាលពីថ្ងៃអាទិត្យ ក្នុងឱកាសខួបលើកទី ២០ នៃសេចក្តីប្រកាស ដ៏សំខាន់ របស់ប្រទេសទាំងពីរ ស្តីពីកិច្ចសហប្រតិបត្តិការពហុភាគី។
កាសែត The Rodong Sinmun ប្រចាំថ្ងៃរបស់គណបក្សពលករ កំពុងកាន់អំណាចកូរ៉េខាងជើង បានហៅសេចក្តីប្រកាសនេះថា ជាព្រឹត្តិការណ៍ប្រវត្តិសាស្ត្រមួយ នៅក្នុងទំនាក់ទំនង ប្រទេសទាំងពីរ ហើយថាចំណងទាក់ទងទ្វេភាគី នឹងពង្រឹងបន្ថែមទៀតតាមរបៀបមួយ ដែលផ្តល់ផលប្រយោជន៍ ដល់ប្រជាជននៃប្រទេសទាំងពីរ។
មេដឹកនាំកូរ៉េខាងជើង លោក គីម ជុងអ៊ីល និងប្រធានាធិបតីរុស្ស៊ីលោក វ្លាឌីមៀ ពូទីន បានអនុម័តសេចក្តីប្រកាសនេះ ក្នុងគោលបំណងធ្វើឱ្យកិច្ច សហប្រតិបត្តិការទ្វេភាគី កាន់តែស៊ីជម្រៅថែមទៀត ក្នុងដំណើរទស្សនកិច្ចលើកដំបូង នៅទីក្រុងព្យុងយ៉ាង នាថ្ងៃទី ១៩ ខែកក្កដា ឆ្នាំ ២០០០៕
ដោយ ឈូក បូរ៉ា
