សេអ៊ូល៖ ទិន្នន័យរបស់ធនាគារកណ្តាលបានបង្ហាញ នៅថ្ងៃព្រហស្បតិ៍នេះថាផលិតផលក្នុងស្រុក សរុបរបស់ប្រទេសកូរ៉េខាងត្បូង GDP បានធ្លាក់ចុះ ៣,៣ ភាគរយនៅក្នុងត្រីមាសទី ២ ដោយសារការរីករាលដាលនៃ COVID-១៩ ។
ផលិតផលក្នុងស្រុកសរុប ដែលត្រូវបានកែតម្រូវសម្រាប់អតិផរណាបានធ្លាក់ចុះ ៣,៣ ភាគរយនៅក្នុងត្រីមាស ខែមេសាដល់ខែមិថុនា ពីរយៈពេល ៣ ខែមុនបន្ទាប់ពីធ្លាក់ចុះ ១,៣ ភាគរយនៅក្នុងត្រីមាសខែមករា – មីនា នេះបើយោងតាមធនាគារកូរ៉េ (BOK) ។
វាគឺជាការកាត់បន្ថយយ៉ាងលឿនបំផុតក្នុងរយៈពេលជាង ២២ ឆ្នាំចាប់តាំងពីត្រីមាសទី១ នៃឆ្នាំ ១៩៩៨ នៅពេលដែលវិបត្តិប្តូរប្រាក់បរទេស បានរញ្ជួយដល់សេដ្ឋកិច្ចរបស់កូរ៉េខាងត្បូង៕ ដោយ ឈូក បូរ៉ា
