បរទេស៖ ពាក្យចចាមអារ៉ាម កំពុងបក់បោកដែលថា កងទ័ពជើងទឹកចិន កំពុងសម្លឹងមើល ដើម្បីកសាងនាវាចម្បាំងប្រភេទថ្មី។ ថ្មីៗនេះមានការលេចធ្លាយ នូវសំណូមពរ (RFP) ចង្អុលទៅកប៉ាល់ វាយលុកមួយដែលមាន ម៉ាស៊ីនយន្ដហោះអេឡិចត្រូម៉ាញេទិក និងឧបករណ៍ចាប់។
យោងតាមសារព័ត៌មាន Sputnik ចេញផ្សាយនៅថ្ងៃទី២៣ ខែកក្កដា ឆ្នាំ២០២០ បានឱ្យដឹងថា នៅក្នុងសំណើ ដែលបានចុះផ្សាយនៅថ្ងៃទី ១៩ ខែកក្កដា និងបានលេចធ្លាយជាបន្តបន្ទាប់ នៅលើបណ្តាញសង្គម គឺថា គម្រោងនេះ ត្រូវបានគេហៅថា“ គម្រោង Project XX6” ប៉ុន្តែអ្នកសង្កេតការណ៍ បានហៅនាវានោះថា“ Type 076” ។
ដោយពិចារណា លើព័ត៌មានលំអិតមួយចំនួន ដែលមាននៅក្នុង RFP គឺ Type 076 នឹងមានលក្ខណៈ ដូចជាផែឧទ្ធម្ភាគចក្រចុះចត Type 075 (LHD) ដែលចិនបានផលិត ២គ្រឿង រួចហើយ។ Type 075 គឺជាប្រភេទនាវា វាយប្រហារដ៏ធំមួយ ដែលរួមបញ្ចូលគ្នានូវទីលាន ចុះចតសម្រាប់ឧទ្ធម្ភាគចក្រ និងការហោះឡើងបញ្ឈរ និងយន្ដហោះចុះចត ជាមួយនឹងកំពង់ផែចត សម្រាប់យានចុះចតដ៏ធំ ដើម្បីដឹកកងម៉ារីនតាមឆ្នេរ។
ពាក្យចចាមអារាម នៃការរចនានាវាចម្បាំងបែបនេះ បានចាប់ផ្តើមរីករាលដាល នៅក្នុងរង្វង់យោធាតាមអ៊ិនធរណេត កាលពីដើមសប្តាហ៍នេះ។ ការយល់ស្របជាទូទៅហាក់ដូចជា Type 076 ទំនងជាមិនមានទំហំធំជាង Type 075 នឹងប្រើប្រព័ន្ធ catapult របស់ខ្លួន ដើម្បីបើកយន្តហោះចម្បាំង គ្មានមនុស្សបើក ជំនួសយន្តហោះប្រតិកម្ម ដែលមានមនុស្សបើកបរហើយជាទូទៅ គឺការសម្របខ្លួនស ម្រាប់ការពិតដែលថា កងទ័ពរំដោះប្រជាជន គ្មានភាពសមមូលនឹងយន្តហោះ F-35B របស់អាមេរិក ។ កងនាវាចរអាមេរិក និងកងទ័ពជើងទឹក នៃសម្ព័ន្ធមិត្តអាមេរិកជាច្រើន បានប្រើប្រាស់សមត្ថភាពហោះហើរខ្លី និងចុះចតបញ្ឈរនៃយន្តហោះ F-35B ដែលអនុញ្ញាត ឱ្យយន្តហោះបំបាំងកាយ ហោះចេញពីនាវាដឹកឧទ្ធម្ភាគចក្រ៕ ប្រែសម្រួលៈ ណៃ តុលា
