ញូដេលី៖ រូបភាពផ្កាយរណប បានចាប់យកសកម្មភាព នៃការបន្ថែមកងទ័ព និងសម្ភារៈយោធាបន្ថែម ដោយកងទ័ពរំដោះប្រជាជនចិន (PLA)នៅតំបន់ Aksai Chin។ ចំណែករដ្ឋាភិបាលឥណ្ឌា ក៏បានពន្លឿនអាវុធ និងការដាក់ពង្រាយកងទ័ព ដូចគ្នាដែរ បន្ទាប់ពីធ្វើការវាយតម្លៃថា កងទ័ព PLA កំពុងត្រៀមសម្រាប់រដូវរងា ដ៏វែងនៅហិម៉ាឡៃយ៉ា។
យោងតាមសារព័ត៌មាន sputnik ចេញផ្សាយនៅថ្ងៃទី២៧ ខែកក្កដា ឆ្នាំ២០២០ បានឱ្យដឹងថា ប្រទេសឥណ្ឌាបានចាប់ផ្តើម ដាក់ពង្រាយកងអនុសេនាធំ (១២) ដែលមានរថក្រោះប្រភេទ T-៩០ បាញ់មីស៊ីល, រថយន្តពាសដែក និងកងទាហានមួយក្រុម (ទាហាន ៤,០០០ នាក់) ទៅកាន់ Daulat Beg Oldi (DBO) ដើម្បីការពារការលុកលុយរបស់ចិន ដែលអាចកើតមានពីតំបន់ Shaksgam-Karakoram ឆ្លងអក្សនៅក្នុងតំបន់ Ladakh ។ នេះបើយោងតាមសម្តី របស់មេបញ្ជាការយោធា ដែលសារព័ត៌មានឥណ្ឌាប្រចាំថ្ងៃ Hindustan Times បានដកស្រង់សម្តី ។
ការបង្កើនកម្លាំងទ័ពរៀងខ្លួននេះ ត្រូវបានគេរាយការណ៍ថា បានកើតឡើង បន្ទាប់ពីកិច្ចពិភាក្សា ដកកម្លាំងទ័ពបានបរាជ័យ ក្នុងការដោះស្រាយ លើការបង្កើនកងទ័ពរបស់ចិន បានពង្រាយជិតកងទ័ពចំនួន ៥ ម៉ឺននាក់នៅ Aksai Chin ៕ ប្រែសម្រួលៈ ណៃ តុលា
